हवाई इन्धनमा निगमले लिटरमै ७३ रुपैयाँ नाफा कमाउँदै, यात्रु चर्को भाडा तिर्न बाध्य

जेठ ३, २०८० बुधबार २०:३०:२४ | उज्यालो सहकर्मी

काठमाण्डाै – नेपाल आयल निगमले हवाई इन्धनमा उच्च नाफा राखेको छ । अहिले निगमलाई अन्तर्राष्ट्रिय हवाई इन्धनमा प्रतिलिटर ७३ रुपैयाँ र आन्तरिकतर्फ ३५ रुपैयाँ नाफा रहेको छ ।सरकारको कानुनमा २० प्रतिशतभन्दा धेरै नाफा लिएमा जो सुकैलाई पनि कारबाही हुने व्यवस्था छ तर सरकारी स्वामित्वको नेपाल आयल निगमले नै २० प्रतिशतभन्दा धेरै नाफा राखेको छ ।

निगमले हवाई इन्धनको भाउ नघटाएर चर्को नाफामा बेच्दा आन्तरिक हवाई उडानको भाडा सस्तो हुन सकेको छैन भने बाह्य उडान गर्ने एअरलाइन्सले विदेशबाटै तेल भरेर आउने गरेका छन् । विदेशबाटै नेपाल आउजाउको तेल भरेर आउने हुनाले अन्तर्राष्ट्रियतर्फको भाडा पनि महँगो नै रहेको छ । निगमले इन्धनको भाउ नघटाउँदा अहिले हवाई उडानको भाडा पनि महँगो पर्न गएको हवाई सञ्चालकहरूको गुनासो छ । इन्धनको भाउ घट्दा, हवाई भाडा घट्ने र यात्रु बढ्ने हुँदा सरकारलाई नै फाइदा पुग्ने उनीहरूको भनाइ छ ।

अहिले दैनिक दुई सय वटा आन्तरिक उडान हुने गरेकोमा इन्धनको भाउ घटेर हवाई भाडामा कमी आउँदा दैनिक उडान दुई सय ५० वटासम्म पुग्न सक्ने वायु सेवा सञ्चालकहरूको भनाइ छ ।

भारतबाट भाउ बढेर आउँदा नेपालमा पनि रातारात बढाइहाल्ने आयल निगमले भाउ घटेर आउँदा भने सञ्चित घाटालाई देखाएर घटाउन आनाकानी गर्दै आएको छ । निगमले हिजो मङ्गलवार डिजल र मट्टीतेलकाे भाउ घटाए पनि पेट्रोल र हवाई इन्धनको भाउ भने घटाएको छैन ।

धनीले मात्रै जहाज चढ्छन भन्ने गलत बुझाइले समस्या भयो : सुदर्शन बर्तौला, हवाई सुरक्षा प्रमुख तथा प्रवक्ता – यती एअरलाइन्स

हवाई यातायातको महत्त्वलाई सरकार र आयल निगमले गलत तरिकाले बुझ्दा समस्त यात्रुले चर्को भाडा तिर्नुपरेको छ । निगमले हवाई यातायात र यात्रुलाई विलासी र धनी व्यक्तिको यातायातको साधनको रूपमा हेरेर इन्धनमा चर्को नाफा राखेर बेच्ने गरेको छ । गएकाे वर्ष ६५ लाखभन्दा बढी यात्रुले प्रयोग गरेको हवाई यातायात विलासीको साधनका रूपमा हेर्नु जायज होइन ।

अरू वस्तुमा जस्तै हवाई इन्धनमा पनि २० प्रतिशतभन्दा बढी मुनाफा राख्नु कालोबजारी ऐनको उल्लङ्घन हो । अझ सुगम र दुर्गममा उडान गर्ने जहाजकाे हवाई इन्धनको एउटै मूल्य हुँदा अन्य यातायातका साधनको पहुँच नभएको र हवाई सेवामा मात्र भर पर्नुपर्ने दुरदराजका यात्रुलाई परेको असरप्रति सरकार गम्भीर हुनुपर्छ ।

हवाई इन्धनमा सहुलियत नदिए पनि थोरै मात्र मुनाफा राख्ने हो भने अहिलेको हवाई भाडामा धेरै सस्तो पर्छ । यसतर्फ सबै सरोकारवाला गम्भीर हुन आवश्यक छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

dambar niroula
May 18, 2023, 5:34 a.m.
भाडा दरमा कार्यन्वयन हुने हो भने मात्र इन्धनको मूल्य घटेको महशुस हुन्छ जनतालाई ।।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हवाई इन्धनमा निगमले लिटरमै ७३ रुपैयाँ नाफा कमाउँदै, यात्रु चर्को भाडा तिर्न बाध्य

1 Comments

dambar niroula

तपाईको प्रतिक्रिया

तपाईको प्रतिक्रिया