काठमाण्डाै – बुद्ध एअरको वेबसाइट तथा एपमार्फत टिकट खरिद गर्दा आईएमई पेबाट भुक्तानी गर्न मिल्ने भएको छ । आइएमई पे र बुद्ध एअरका प्रतिनिधिबीच आज आइतवार सम्झौता भई याे सेवा शुरु गरिएको हो ।

सम्झौताअनुसार अब यात्रुहरूले यसरी टिकट खरिद गर्ने क्रममा आईएमई पे छनाेट गरी सजिलै पैसा तिर्न सक्ने र प्रत्येक भुक्तानीमा चन्द्रागिरि केवलकारको निःशुल्क कुपन पनि प्राप्त गर्न सक्ने विज्ञप्तिमा उल्लेख छ । 

‘आईएमई पे ले ग्राहकहरूको सुविधाका लागि सुरक्षित तथा नवप्रवर्धित सेवाहरूको माध्यमबाट क्यास-लेस सोसाइटी निर्माणमा थप प्रोत्साहन गर्नमा अग्रणी भूमिका निर्वाह गर्ने, साथै आफ्ना प्रयोगकर्ताहरूको हवाई यात्राको अनुभवलाई थप सहज तथा सहुलियतपूर्ण बनाउने उद्देश्यले यो सम्झौता गरेको हाे’, कम्पनीका प्रमुख कार्यकारी अधिकृत प्रवीण रेग्मीले बताउनुभएको छ ।