भारतमा हुने क्रिकेट विश्वकप जित्ने टिमले ५३ कराेड रुपैयाँभन्दा धेरै पुरस्कार पाउने

असोज ५, २०८० शुक्रबार १९:२३:२३ | उज्यालो सहकर्मी

काठमाण्डाै – अन्तर्राष्ट्रिय क्रिकेट परिषद् (आईसीसी) ले भारतमा हुने क्रिकेट विश्वकपका लागि पुरस्कार रकम घाेषणा गरेकाे छ ।

आईसीसीले विजेता टिम र अन्य टिमले पाउने पुरस्कार राशिकाे घाेषणा गरेकाे हाे । आईसीसीका अनुसार विजेता टिमले ट्रफीसँगै ४० लाख अमेरिकी डलर (५३ कराेड रुपैयाँभन्दा धेरै) पाउने छन् ।

यस्तै उपविजेता टिमले २० लाख डलर पाउने छन् । यसैगरी प्रतियाेगिताकाे सेमिफाइनलमा पुगेर पराजित हुने २ वटा टिमले ८/८ लाख डलर पाउने छन् ।

समूह चरणबाटै बाहिरिने ६ टिममध्ये हरेकले १ लाख डलर पाउने आईसीसीले जनाएकाे छ । यस्तै समूह चरणकाे खेल जित्ने टिमले हरेक खेलबापत ४० हजार डलर पाउने छन् ।

याे प्रतियाेगिताकाे क्रममा कुल १ कराेड डलर बराबरकाे पुरस्कार राशि बाँडिने आईसीसीले जनाएकाे छ ।

क्रिकेट विश्वकपकाे १३ औँ संस्करणकाे प्रतियाेगितामा १० टिम सहभागी हुँदैछन् । याे प्रतियाेगिताकाे फाइनल खेल अहमदाबादकाे नरेन्द्र माेदी स्टेडियममा हुने छ ।

आईसीसी क्रिकेट विश्वकप–२०२३ काे आयाेजनाका लागि भारतले तयारी सकिसकेकाे छ । ४६ दिनसम्म चल्ने प्रतियाेगिता अक्टाेबर ५ मा शुरु हुनेछ भने फाइनल खेल नाेभेम्बर १९ मा हुनेछ । प्रतियाेगिताका भारतकाे १० वटा सहरकाे स्टेडियममा हुनेछ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्