जुम्ला विमानस्थल विस्तार गरिने

 असोज ७, २०८० आइतबार १८:५:३२ | नेत्र शाही
unn.prixa.net

फाइल तस्बिर

जुम्ला – जुम्ला विमानस्थल विस्तार गरिने भएको छ । जुम्ला विमानस्थल विस्तारका लागि चार कराेड ४२ लाख ४७ हजार रुपैयाँ पठाएकाे नेपाल नागरिक उड्डयन प्राधिकरणले जनाएको छ ।

प्रतिनिधिसभा सांसद छिरिङ ल्यामु लामा तामाङले विमानस्थल विस्तारका लागि यो बजेट स्वीकृत गरेर सरकारले पत्र पठाएको जानकारी दिनुभयो । विमानस्थलको जग्गा अधिग्रहण गरिसकेपछि विस्तार कार्यक्रमअन्तर्गत रनवे, ट्याक्सी वे र अप्रोनको काम गरिने छ । अहिले जुम्ला विमानस्थलमा साना ट्विनअटर जहाज मात्र रहेकामा विमानस्थल विस्तार भएमा ठूला जहाज अवतरण गर्न मिल्नेछ ।

सांसद लामाले भन्नुभयाे, ‘आफ्नो जिल्लाको विकासका लागि सबै नागरिकले चासो लिन आवश्यक छ । यस्तैगरी सक्रियता र चासो देखायो भने विकास, उन्नति  हुन कसैले रोक्न सक्दैन ।’

गएकाे वर्ष विमानस्थलका लागि एक करोड रुपैयाँ आए पनि त्यो रकम पनि प्रयोगमा नआएर 'फ्रिज' भएको उहाँले बताउनुभयाे । यो पटक विमानस्थलका लागि सरकारले ५० लाख रुपैयाँ छुट्याएको जानकारी पाएपछि थप बजेटको माग गर्दै दबाब दिएकाे र अहिले चार कराेड रुपैयाँभन्दा धेरै आएकाे उहाँकाे भनाइ छ ।

विमानस्थलमा ठूला जहाज बसेकाे हेर्ने जुम्ली नागरिककाे माग छ । नागरिक समाज जुम्लाका अध्यक्ष राजबहादुर महतले विमानस्थलमा आएको रकमअनुसार काम हुन आवश्यक रहेकाे बताउनुभयो ।

अन्तिम अपडेट: मंसिर ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ । 

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

बगेर खेर गइरहेछ भोटको नुन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई