काठमाण्डाै – त्रिदेशीय टी–२० अन्तर्राष्ट्रिय क्रिकेट शृङ्खलामा नेपालले विजयी शुरुवात गरेकाे छ । आज बुधवार मूलपानी क्रिकेट मैदानमा भएकाे खेलमा नेपालले यूएईलाई ७ विकेटले हरायाे । 

नेपालकाे जितमा कप्तान राेहित पाैडेलले अर्धशतक बनाए । उनी ४० बलमा ५१ रन बनाउँदै नटआउट रहे । यस्तै दीपेन्द्रसिंह ऐरी ३४ रनमा नटआउट रहे । यूएईले दिएकाे १ सय ४१ रनकाे लक्ष्य नेपालले १८ ओभर ५ बलमा भेटायाे ।

मूलपानीमा नेपाल र यूएईबीचकाे खेल हेर्न उल्लेख मात्रामा समर्थककाे उपस्थिति रहेकाे थियाे । हातमा राष्ट्रिय झण्डा बाेकेका समर्थककाे सङ्ख्या पनि बाक्लै थियाे । पछिल्लाे समय नेपाली क्रिकेट टिमले समर्थककाे भरपूर माया पाउँदै आएकाे छ ।

आजदेखि शुरु भएकाे शृङ्खलाकाे फाइनल खेल कात्तिक १० गते हुनेछ । शृङ्खलामा नेपाल, यूएई र हङकङ छन् ।

तस्बिर : क्यान