सरकारले क्रिकेट खेलाडीको १ करोड ५७ लाख रुपैयाँ पठायो

कात्तिक १८, २०८० शनिबार ११:४३:५६ | उज्यालो सहकर्मी

काठमाण्डाै - सरकारले विभिन्न समयमा नेपाली क्रिकेट टोलीले खेल जित्दा घोषणा गरेको पुरस्कार निकासा गरेको छ ।

तीन वटा प्रतियोगिताको पूर्व घोषित एक करोड ५७ लाख ५० हजार रुपैयाँ नगद पुरस्कार निकासा भएको राष्ट्रिय खेलकुद परिषद् (राखेप) का सदस्य–सचिव टंकलाल घिसिङले जानकारी दिनुभएको छ ।

गएको वैशाख ५ देखि १८ गतेसम्म भएको एसीसी पुरुष प्रिमियर कपका लागि ७९ लाख, २०७९ साल फागुन १२ देखि १८ गतेसम्म भएको आईसीसी १९ वर्षमुनिको पुरुष विश्व कप एसिया क्षेत्र छनोटको उपाधि र एसिया क्लालिफायरका लागि ४६ लाख तथा आईसीसी विश्वकप लिग–२ का लागि ३२ लाख ५० हजार रुपैयाँ नगद पुरस्कार निकासा भएको सदस्य–सचिव घिसिङले बताउनुभयो ।

नेपाल आउँदो वर्ष अमेरिका र वेस्ट इन्डिजमा हुने टी–२० विश्व कपमा पनि छनोट भएको छ । हिजो भएको टी–२० विश्व प एसिया क्षेत्र छनोटको सेमिफाइनल खेलमा नेपालले यूएईलाई ८ विकेटले हराएर १० वर्षपछि टी–२० विश्व कपमा छनोट भएको हो ।

नेपालले सन् २०१४ मा पहिलो पटक टी–२० विश्व कप खेले पनि त्यसपछि छनोट हुन सकेको थिएन । प्रधानमन्त्री पुष्पकमल दाहाल प्रचण्डले नेपाली क्रिकेट टोली टी–२० विश्व कप प्रतियोगिताका लागि छनोट भएकामा बधाई दिनुभएको छ ।

उहाँले पछिल्लो समय क्रिकेटमा नेपाली टोलीले प्राप्त गरेको सफलता र उचाइप्रति सरकारकोतर्फबाट उच्च सम्मान व्यक्त गर्नुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सरकारले क्रिकेट खेलाडीको १ करोड ५७ लाख रुपैयाँ पठायो

फाइल तस्बिर

तपाईको प्रतिक्रिया