प्रधानमन्त्री प्रचण्डद्वारा विपिन जोशीका अभिभावकसँग भेट

मंसिर २२, २०८० शुक्रबार १४:०:३९ | उज्यालो सहकर्मी

काठमाण्डौ – प्रधानमन्त्री पुष्पकमल दाहाल प्रचण्डले इजरायलमा हमास लडाकू समूहले गरेको आक्रमणपछि बेपत्ता भएका कैलालीका विपिन जोशीको परिवारलाई भेट्नुभएको छ । आज बिहान कैलाली पुगेका प्रधानमन्त्री प्रचण्डले धनगढी विमानस्थलमा जोशीको परिवारलाई भेट्नुभएको हो ।

भेटमा जोशीका अभिभावकले उद्धारका लागि भैरहेको पहलबारे चासो राखेका छन् । साथै छिटो उद्धार गरिदिन पनि आग्रह गरेका छन् । जवाफमा प्रधानमन्त्री प्रचण्डले विपिनको सकुशल रिहाइका लागि कूटनीतिक पहल भैरहेको बताउनुभयो ।

प्रधानमन्त्री प्रचण्ड सुदूरपश्चिम महोत्सव उद्घाटन कार्यक्रममा सहभागी हुन बिहान कैलाली पुग्नुभएको हो । सुदूरपश्चिम विश्वविद्यालयको कृषिविज्ञान सङ्कायमा अध्ययनरत् विपिनसहितका ४९ विद्यार्थी ‘लर्न एण्ड अर्न’ कार्यक्रमअन्तर्गत गएको भदौ २७ गते इजरायल गएका थिए ।

गएको असोज २० गते हमासले गरेको आक्रमणमा परी १० नेपाली विद्यार्थीको ज्यान गएको थियो भने कञ्चनपुरको भीमदत्त नगरपालिका–३ का जोशी सम्पर्कविहीन हुनुहुन्छ । इजरायली सेना र तेलअभिभमा रहेको नेपाली राजदूतावासले विपिन हमासको नियन्त्रणमा रहेको पुष्टि गरे पनि विस्तृत अवस्था थाहा हुन सकेको छैन ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्