आज ऋषिपञ्चमी : अरुन्धतीसहित सप्तऋषिको पूजा गरी मनाइँदै
भदौ २३, २०८१ आइतबार
इन्डोनेसियाको पश्चिमी क्षेत्रमा रहेको एक समुद्री तटमा झण्डै दुई सय जना रोहिङ्ग्या शरणार्थी अलपत्र परेका छन् । म्यानमारका अल्पसङ्ख्यक रोहिङ्ग्या समुदाय ठूलो सङ्ख्यामा बङ्लादेशमा रहेका र तीमध्ये उनीहरु इन्डोनेसियाको समुद्री तटमा अलपत्र परेका हुन् ।
सन् २०१७ मा म्यानमारको सेनाले गरेको कारबाहीको मुख्य निशानामा मुस्लिम रोहिङ्ग्या समुदाय परेका संयुक्त राष्ट्रसङ्घले जनाएको छ । झण्डै १० लाख मानिस भागेर बङ्लादेश पुगेका छन् र त्यहाँबाट हरेक वर्ष हजारौंले आफ्नो ज्यान जोखिममा राखेर मलेसिया वा इन्डोनेसिया पुग्न लामो र महँगो समुद्री यात्रा गर्छन् ।
शरणार्थीहरू समुद्र तटमा भेला भएका र केही महिला आफ्ना बच्चालाई काखमा बोकेको अवस्थामा देखिएका भिडियो स्थानीय सञ्चारमाध्यमले सार्वजनिक गरेका छन् ।
इन्डोनेसियाका राष्ट्रपति जोको विडोडोले स्थानीय समुदायको हितलाई प्राथमिकतामा राखेर शरणार्थीका लागि पनि अस्थायी राहत उपलब्ध गराइने बताउनुभएको छ । उहाँले आफ्नो देश भित्रने रोहिङ्ग्या शरणार्थीको बढ्दो सङ्ख्याका पछाडि मानव बेचबिखनमा संलग्न सञ्जालको हात रहेको र दोषीमाथि कडा कारबाही गर्ने प्रतिबद्धता पनि व्यक्त गर्नुभयो ।
इन्डोनेसियाले संयुक्त राष्ट्रसङ्घीय शरणार्थी महासन्धिमा हस्ताक्षर गरेको छैन र म्यानमारबाट शरणार्थी ल्याउन बाध्य नहुने पनि बताएको छ । छिमेकी देशमा आश्रय नपाउँदा अल्पसङ्ख्यक शरणार्थी समूह जोखिम मोलेर टाढा टाढा पुग्नुपर्ने र गुजारा चलाउनु पर्ने बाध्यता रहेको अन्तर्राष्ट्रिय सञ्चारमाध्यमले जनाएका छन् ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।