प्रधानमन्त्री कप महिला टी–२० क्रिकेट : सुदूरपश्चिम र बाग्मती विजयी

पुष ८, २०८० आइतबार १६:४९:४५ | उज्यालो सहकर्मी

काठमाण्डाै – प्रधानमन्त्री कप महिला टी–२० राष्ट्रिय क्रिकेट प्रतियाेगितामा सुदूरपश्चिम प्रदेशले कर्णाली प्रदेशलाई हराएकाे छ ।

आज आइतवार भएकाे खेलमा सुदूरपश्चिमले कर्णालीलाई ८१ रनकाे फराकिलाे अन्तरले हरायाे । सुदूरपश्चिमले दिएकाे १ सय ५२ रनकाे लक्ष्य पछ्याएकाे कर्णालीले निर्धारित २० ओभरमा ९ विकेट गुमाएर ७० रनमात्रै बनाउन सक्याे । कर्णालीका लागि तृसना विश्वकर्माले सर्वाधिक २८ रन बनाइन् । बलिङतर्फ सुदूरपश्चिमकी ऋतु कनाैजिया र जानकी थापाले समान ३ विकेट लिइन् ।

यसअघि कीर्तिपुरकाे त्रिवि क्रिकेट मैदानमा टस हारेर ब्याटिङकाे निम्ताे पाएकाे सुदूरपश्चिमले २० ओभरमा ४ विकेट गुमाएर १ सय ५१ रन बनायाे । सुदूरपश्चिमका लागि कविता जाेशीले ५० बलमा नट आउट ७८ रन बनाइन् । बलिङतर्फ कर्णालीकी अञ्जु गुरुङले २ विकेट लिइन् ।

याे जितसँगै सुदूरपश्चिम ३ खेलमा ४ अङ्कसहित तालिकाकाे तेस्राे स्थानमा छ । लगातार ३ खेल हारेकाे कर्णाली तालिकाकाे पुछारमा छ ।

आजै मूलपानी क्रिकेट मैदानमा भएकाे खेलमा बाग्मती प्रदेशले गण्डकी प्रदेशलाई ४ विकेटले हरायाे । गण्डकीले दिएकाे १ सय १३ रनकाे लक्ष्य बाग्मतीले १८ ओभर ४ बलमा ६ विकेट गुमाएर भेटायाे । बाग्मतीका लागि यशाेदा विष्टले नट आउट ३९ रन बनाइन् । बलिङतर्फ गण्डकीकी सृष्टि जैसीले २ विकेट लिइन् ।

यसअघि टस जितेर ब्याटिङ गरेकाे गण्डकीले निर्धारित २० ओभरमा ४ विकेट गुमाएर १ सय १२ रन बनायाे । गण्डकीका लागि अञ्जली विश्वकर्माले सर्वाधिक ३२ रन बनाइन् । बलिङतर्फ बाग्मतीकी कृष्मा गुरुङ, अस्मिना कर्माचार्य र मनिषा उपाध्यायले समान १ विकेट लिइन् ।

याे जितसँगै बाग्मती ३ खेलमा ४ अङ्कसहित तालिकाकाे चाैथाे स्थानमा छ । गण्डकी ३ खेलमा २ अङ्कसहित पाँचाैँ स्थानमा छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्