भूकम्प प्रभावितका लागि प्रधानमन्त्री सहायता कोषमा झण्डै २८ करोड सङ्कलन

पुष १९, २०८० बिहीबार ८:३४:३ | उज्यालो सहकर्मी

काठमाण्डाै - जाजरकोट भूकम्पबाट प्रभावितका लागि प्रधानमन्त्री दैवीप्रकोप सहायता कोषमा झण्डै २८ करोड रुपैयाँ सङ्कलन भएको छ ।

प्रधानमन्त्री तथा मन्त्रिपरिषद् कार्यालयका प्रवक्ता नारायणप्रसाद भट्टकाअनुसार कोषमा विभिन्न संस्था तथा व्यक्तिबाट अहिलेसम्म २७ करोड ९१ लाख ८९ हजार ८ सय ९९ रुपैयाँ जम्मा भएको छ । गएको कात्तिक १७ गते जाजरकोट केन्द्रबिन्दु भएर भूकम्प भएको थियो ।

भूकम्प प्रभावित क्षेत्रमा अस्थायी आवास निर्माणको काम भैरहेको छ । अहिलेसम्म १५ हजार ४ सय अस्थायी आवास निर्माण भएका छन् । १० हजार ३ सय निर्माणको अन्तिम चरणमा रहेकाे सरकारले जनाएको छ । भूकम्पबाट २६ हजार ५ सय २८ घरमा पूर्ण रूपमा र ३५ हजारभन्दा धेरैमा आंशिकरुपमा क्षति पुगेको तथ्याङ्क छ ।

अस्थायी आवास निर्माण गर्न चार अर्ब ७९ करोड रुपैयाँ आवश्यक पर्ने र अहिलेसम्म चार अर्ब ७१ करोड निकासा भइसकेको सरकारले जनाएको छ । जाजरकोट भूकम्प गएको दुई महिना बितिसकेको छ ।

भूकम्पले घरबारविहीन भएका परिवारलाई अस्थायी आवास निर्माणका लागि पहिलो किस्तामा २५ हजार र निर्माण सम्पन्न भएपछि २५ हजार रुपैयाँ गरी सरकारले प्रतिपरिवार ५० हजार रुपैयाँका दरले अनुदान दिने निर्णय गरेको थियो ।

भूकम्पलगत्तै खोज र उद्धारमा सरकार सक्रिय भए पनि त्यसपछि आवास निर्माण र पुनर्निर्माणको काम सुस्त भएको छ । आफूहरु कठ्याङि्ग्रँदो चिसोमा त्रिपालकै भरमा बस्नुपरेको पीडितको गुनासो छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्