भारतसँग ईपीजीबारे कुरै भएन, हवाईरुटको विषयमा पुरानै जवाफ

पुष २०, २०८० शुक्रबार ८:३:१२ | उज्यालो सहकर्मी

काठमाण्डाै - भारतीय विदेशमन्त्रीको नेपाल भ्रमणमा दीर्घकालीन ऊर्जा व्यापारलगायतका चारवटा सम्झौता भए पनि लामो समयदेखि थाती रहेका विषयमा भने छलफल नै हुने सकेन ।

नेपाल भारत प्रबुद्ध समूह (ईपीजी) को प्रतिवेदन र सन् १९५० को सन्धिलगायत महत्त्वपूर्ण विषयमा छलफल हुन नसकेको हो । गएको जेठमा प्रधानमन्त्री पुष्पकमल दाहाल प्रचण्डको भारत भ्रमणका क्रममा पनि यस विषयमा कुरा नउठेको भन्दै आलोचना भएको थियो ।

हिजो भएको नेपाल–भारत संयुक्त आयोगको बैठकले दुई देशबीचको सीमा सम्बन्धी काम गर्ने सीमा कार्य समूह (बीडब्लूजी) को काम सन्तोषजनक रहेको निष्कर्ष निकालेको छ । तर बैठकमा कालापानी, लिपुलेकलगायत विवादित क्षेत्रको विषयमा छलफल हुन सकेन । बैठकमा नेपालले कञ्चनपुर र बैतडीमा पनि सीमा पुल बनाउने प्रस्ताव राखेको छ ।

भारतले दुईवटै पुलको डिजाइनमा काम भइरहेको र त्यसको छिट्टै निर्माण शुरु हुने आश्वासन दिएको छ । प्राविधिक समूहले काम गरिरहेको र यसबारे फेरि छलफल गर्ने भारतको जवाफ छ ।

स्तै, प्रधानमन्त्री प्रचण्डको भारत भ्रमणका क्रममा उद्घाटन भएको जोगबनी विराटनगर कार्गो रेल छिट्टै सञ्चालन हुने आश्वासन भारतले दिएको छ । नेपाललाई हवाईरुट दिने विषयमा भारतले पुरानै जवाफ दिएको छ ।

संयुक्त आयोगको बैठकमा नेपाल र भारतबीच उच्च प्रभावित समुदाय विकास परियोजनाको कार्यान्वयनको सहमति भएको छ । यो सहमतिअनुसार काठमाण्डौमा रहेको भारतीय दूतावासले अब एउटै परियोजनामा २० करोडसम्म सोझै लगानी गर्न सक्नेछ । भारतले लगानी गर्ने परियोजनाको सीमा ५ करोडबाट बढाएर २० करोड रुपैयाँ पुर्याइएको हो ।

भारतले कुनै पनि विकासको परियोजना निर्माण गर्नुअघि नेपाल सरकारको अर्थतन्त्र मन्त्रालयबाट स्वीकृति लिनुपर्ने प्रावधान भने यथावत छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्