फोहर व्यवस्थापनका लागि दक्षिण कोरियासँग सम्झौता

माघ १६, २०८० मंगलबार १५:४५:२३ | रासस

बाग्लुङ – बाग्लुङकाे बाग्लुङ नगरपालिका र पर्वतको कुश्मा नगरपालिकाले फोहर व्यवस्थापनका लागि दक्षिण कोरियासँग सम्झौता गरेका छन् ।

बाग्लुङ नगरपालिकामा भएको एक कार्यक्रममा दुवै नगरपालिकाका मेयर र कोरियाको 'एएलके ईसीओ' कम्पनीसँग प्रारम्भिक सम्झौता भएको हो । कोरियाको वातावरण विभागअन्तर्गतको 'एएलके ईसीओ' कम्पनीका प्रमुख खो यु सेप र प्रमुख कार्यकारी अधिकृत जङ डेटोङ तथा बाग्लुङ नगरपालिकाका मेयर वसन्तकुमार श्रेष्ठ र कुश्मा नगरपालिकाका मेयर रामचन्द्र जोशीले सम्झौतामा हस्ताक्षर गर्नुभयो ।

नकुहिने फोहरको दिगो व्यवस्थापनका लागि कोरियाली प्रविधि भित्र्याउने नगरपालिकाको लक्ष्य छ । कोरियाली कम्पनीले 'जिरो वेस्ट म्यानेजमेन्ट' का लागि प्रविधि उपलब्ध गराउने छ । साथै प्राविधिक सीपका लागि पनि तालिम दिने छ । कम्पनीले फोहर व्यवस्थापन गर्ने उपकरण नगरपालिकालाई बिक्री गर्ने, कम्पनीले तीन वर्ष निःशुल्क मर्मत गरिदिने तथा आवश्यक तालिम लिन चाहने प्राविधिकलाई कोरियामै लगेर व्यावहारिक ज्ञान दिनेछ । केही समय कोरियाका प्राविधिकले यहीँ आएर उपकरण चलाउने तालिमसमेत दिनेछन् ।

बाग्लुङ नगरपालिकाले कालीगण्डकी र काठेखोला छेउको खुर्तुकेमा फोहर फाल्दै आएको छ । कुश्मा नगरपालिकाले पनि बाग्लुङ पोखरा सडकको छमर्के नजिकै फोहर फाल्दा दुर्गन्ध फैलिएको छ ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

फोहर व्यवस्थापनका लागि दक्षिण कोरियासँग सम्झौता

फाइल फाेटाे

तपाईको प्रतिक्रिया