नियम विपरीत लिएको पाइएमा जग्गा फिर्ता गर्न तयार छु : उद्यमी चौधरी

माघ २०, २०८० शनिबार १८:४:१० | उज्यालो सहकर्मी

काठमाण्डाै - बाँसबारी छाला जुत्ता कारखानाको सरकारी जग्गा निजी बनाएको आरोपमा पक्राउ परेका उद्यमी अरुण चौधरीले कानुन विपरीत लिएको पाइएमा जग्गा फिर्ता गर्न तयार रहेको बयान दिएका छन् । नेपाल प्रहरीको केन्द्रीय अनुसन्धान ब्युरो (सीआईबी)ले पक्राउ परेका उद्यमी चौधरीको बयान लिन शुरू गरेको हो ।

जिल्ला सरकारी वकिलको कार्यालय, काठमाण्डौका प्रमुख सन्देश श्रेष्ठको अगुवाइमा अनुसन्धान अधिकृतहरूले बयान लिइरहेका छन् । बयानका क्रममा उद्यमी चौधरीले कानुन विपरीत लिएको पाइएमा जग्गा फिर्ता गर्न तयार रहेको बताएका एक अनुसन्धान अधिकृतलाई उद्धृत गर्दै राष्ट्रिय समाचार समितिले जनाएको छ ।

सीआईबीका प्रवक्ता प्रहरी उपरीक्षक नवराज अधिकारीले कानुनी प्रक्रियाअन्तर्गत नै बयान लिन काम भइरहेको बताउनुभयो । जिल्ला अदालत, काठमाण्डौले चार दिन हिरातमा राखेर अनुसन्धान गर्न अनुमति दिएकाले त्यहीअनुसार, अनुसन्धान भइरहेको उहाँको भनाइ छ ।

बाँसबारी छाला जुत्ता कारखानाको जग्गा कानुन विपरीत निजी स्वामित्वमा लगेको आरोपमा सीआईबीले अस्ति बिहीवार उद्यमी चौधरीलाई पक्राउ गरेको थियो । उनीसँगै छालाजुत्ता कारखानाका तत्कालीन कार्यकारी प्रमुख अजितनारायण सिंह थापा र सीजी जाँदबाग रेसिडेन्सीका सञ्चालक सञ्जय ठाकुर पनि पक्राउ परेका छन् ।

व्यवसायीहरूकाे संस्था नेपाल उद्योग परिसंघ र नेपाल उद्योग वाणिज्य संघले हतारमा चौधरीलाई पक्राउ गरेको भन्दै विरोध जनाएको थियो । सीआईबीले हिजो पत्रकार सम्मेलन गरेर चौधरीलाई हतारमा नभइ तीन महिना लामो अनुसन्धान र पर्याप्त प्रमाण भेटिएपछि पक्राउ गरेको स्पष्टीकरण दिएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्