१९ वर्षमुनिकाे साफ महिला च्याम्पियनशिपमा भारतसँग नेपाल ४ गोलले पराजित

 माघ २३, २०८० मंगलबार १८:४:५७ | उज्यालो सहकर्मी
unn.prixa.net

काठमाण्डाै – बङ्गलादेशको ढाकामा चलिरहेको १९ वर्षमुनिकाे साफ महिला च्याम्पियनशिप फुटबलमा नेपाल भारतसँग पराजित भएको छ ।

बङ्गलादेशको ढाकामा आज भएको खेलमा नेपाल भारतसँग ४–० ले पराजित भएको हो । खेलको पहिलो हाफमा भारतलाई गोलरहित बराबरीमा रोक्न सफल भएको नेपालले दोस्रो हाफमा ४ गोल खायो । यो हारसँगै नेपाल प्रतियोगिताबाट बाहिरिएको छ ।

भारत र बङ्गलादेशले प्रतियाेगिताकाे फाइनल खेल्ने भएका छन् । भुटान यसअघि नै बाहिरिइसकेको थियो । नेपालले भुटानलाई हराएको थियो भने भारत र बङ्गलादेशसँग पराजित भयो ।प्रतियोगिताको फाइनल खेल पर्सि हुनेछ ।

अन्तिम अपडेट: बैशाख १२, २०८१

तपाईको प्रतिक्रिया