सार्वजनिक ठाउँमा फोहोर वर्गीकरण गर्न काठमाण्डौ महानगरले झन्डै २ हजार थान डस्टबिन राख्दै

माघ २५, २०८० बिहीबार १८:३:२२ | उज्यालो सहकर्मी

काठमाण्डाै – सार्वजनिक ठाउँमा उपभोक्ताले उत्पादन गरेको कुहिने र नकुहिने फोहोर छुट्टाछुट्टै जम्मा गर्न काठमाण्डौ महानगरपालिकाले एक हजार नौ सय ५० थान डस्टबिन राख्ने भएको छ ।

एउटा सेटमा दुई वटा डस्टबिन हुन्छन् । यसमध्ये हरियो डस्टबिन कुहिने र रातो डस्टबिन नकुहिने फोहोरका लागि हो । उत्पादन भएकै ठाउँमा फोहोरलाई छुट्याएर प्रकृतिअनुसार छुट्टाछुट्टै व्यवस्थापन गर्ने योजनाअनुसार डस्टबिन राख्न लागेको महानगरको वातावरण व्यवस्थापन विभागका प्रमुख रविनमान श्रेष्ठले बताउनुभयो ।

घरघरमा फोहोर वर्गीकरण गरेजस्तै सार्वजनिक ठाउँमा उत्पादन हुने फोहोरलाई पनि कुहिने र नकुहिने गरी छुट्टाछुट्टै भाँडामा सङ्कलन गर्न लागेको महानगरले जनाएको छ । यसरी राखिने सेट दुई प्रकारका छन् । महानगरका अनुसार सानो आकारको डस्टबिनको क्षमता ७० लिटर र मध्यम आकारको डस्टबिनको क्षमता एक सय २५ लिटरको हुनेछ । डस्टबिनको माथिल्लो भागमा कुन प्रकारको फोहोर हाल्ने भाँडो हो भन्ने लेखिएको हुनेछ ।

यी सेटहरू वडासँग समन्वय गरेर फोहोर व्यवस्थापन कार्यमा खटिने नाइकेहरूको जिम्मामा राखिनेछ । हरेक सेटमा नम्बर दिइएको र यसका आधारमा कुन सेट कसको जिम्मामा छ भन्ने थाहा हुने महानगरले जनाएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्