रामग्राम क्षेत्र निजी कम्पनीलाई भाडामा दिने सम्झाैता खारेज

फागुन १, २०८० मंगलबार १८:६:१३ | उज्यालो सहकर्मी

काठमाण्डाै – लुम्बिनी विकास कोषले गौतमबुद्धको अस्थिधातु समाधिस्थल नवलपरासीको रामग्राम क्षेत्र उत्खनन एवम् बौद्ध स्तूपलगायत संरचना निर्माण तथा व्यवस्थापनका लागि निजी कम्पनी 'द प्रमिस्ड ल्यान्ड' सँग गरेका सबै सम्झौता खारेज गरेको छ ।

कोषका अध्यक्ष एवम् संस्कृति, पर्यटन तथा नागरिक उड्डयनमन्त्री सुदन किरातीको अध्यक्षतामा आज बसेको बैठकले विना प्रतिस्पर्धा निजी कम्पनीलाई ९९ वर्षका लागि भाडामा दिने गरी भएका सबै सम्झौता र समझदारी रद्द गरेको हो । प्रतिनिधि सभाको सार्वजनिक लेखा समितिले गएको आइतवार सबै प्रक्रिया रद्द गर्न निर्देशन दिएको थियो ।

नवलपरासीमा पर्ने रामग्राम क्षेत्र गौतमबुद्धको अस्थिधातु समाधिस्थ गरिएको स्थल हो । कोषले यसअघि रामग्राम क्षेत्रमा कोषसँग रहेको जग्गा र थप एक सय १६ बिघा जमिन अधिग्रहण गरी निजी कम्पनीलाई भाडामा दिने गरी सम्झौता गरेको थियो । अर्थ र पर्यटन मन्त्रालयको स्वीकृतिविना कोषले सम्झौतासहित योजना अगाडि बढाएपछि संसदीय समितिले रोक्न निर्देशन दिएको हो ।

बौद्धग्रन्थअनुसार बुद्धका आठ वटा अस्तुधातुमध्ये एउटा मात्र सिङ्गो भाग रहेको रामग्राम स्तूप हो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रामग्राम क्षेत्र निजी कम्पनीलाई भाडामा दिने सम्झाैता खारेज

फाइल फाेटाे

तपाईको प्रतिक्रिया