पोखरामा वर्षा हुँदा समेत छठका ब्रतालु उत्साहित

कात्तिक २८, २०७५ बुधबार ५:४८:१ | रासस

पोखरा - पोखरामा मंगलबार साँझ वर्षा भैरहँदा पनि छठ पर्व मनाउने तथा पर्वस्थलमा पुग्नेहरुको उत्साहमा कमी देखिएन । बर्तालुले अस्ताउँदो सूर्यलाई धार्मिक विधिपूर्वक अघ्र्य अर्पण गरे ।

पूजाका सामग्रीका रुपमा रहेका छठ पर्वको मुख्य पकवानमा ठेकुवाका साथै केरा, मिठाईलगायत सामग्रीद्वारा छठी माता र सूर्यदेवलाई अघ्र्य अर्पण गरिएको हो । बुधबार उदाउँदो सूर्यलाई अघ्र्य गरेपछि चार दिनको यो पर्व विधिपूर्वक सम्पन्न हुनेछ ।

पोखरा–११स्थित काली र सेती खोलाको दोभानको रिट्ठाघाट र फेवातालस्थित केदारेश्वर मन्दिरको क्षेत्रमा उत्साहका साथ छठ पूजा भइरहेको छ । दुवै ठाउँमा छठस्थललाई विधिवत् रुपमा सजाइएको छ ।

यसैबीच रिट्ठाघाटमा वडा नं ११ का वडाध्यक्ष मोहनप्रसाद बास्तोलाले विधिवत् रुपमा छठ पूजाको शुभारम्भ गर्दै यस क्षेत्रमा आउँदो वर्षदेखि छठ पूजास्थललाई थप व्यवस्थित बनाउने वचनबद्धता प्रकट गर्नुभयो ।

पूजा समितिका अध्यक्ष देवनारायण सुतिहारले छठ पर्व मनाउनेहरु उत्साहका साथ पूजामा सरिक भएको र रातभर पूजास्थलमै जाग्राम बस्ने र बिहान उदाउँदो सूर्यलाई अघ्र्य अर्पण गरेपछि मात्र घरतर्फ लाग्ने बताउनुभयो ।

सन्तान प्राप्ति, परिवारको कल्याण र विभिन्न रोगबाट मुक्तिका लागि छठ पर्व मनाउने गरिन्छ । यो पर्वमा मधेशी समुदायका साथै पहाडी समुदाय पनि धार्मिक आस्थाका साथ पूजामा सरिक हुन थालिएकाले समावेशी अर्थात् साझा पर्वको पहिचान कायम भएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्