भारतीय सीमा सुरक्षा बलका कारण सास्ती भोग्नुपर्‍याे : सीमा क्षेत्रका बासिन्दा

 फागुन १४, २०८० सोमबार १५:१७:२६ | रासस
unn.prixa.net

फाइल फाेटाे

सुनसरी – भारतीय सीमा क्षेत्रमा पर्ने सुनसरीका बासिन्दाले भारतीय सीमा सुरक्षा बल (एसएसबी) का कारण सास्ती भोग्नुपरेको भन्दै सुरक्षाको माग गरेका छन् ।

जिल्ला सुरक्षा समितिले सुनसरीमा शुरु गरेको ‘सीमा पैदल यात्रा तथा अन्तरक्रिया’ कार्यक्रममा भारतीयले विना कारण दुःख दिँदा सास्ती हुने गरेको भन्दै केन्द्रीयस्तरबाटै सुरक्षाको पहल गर्न स्थानीयवासीले माग गरेका हुन् ।

एसएसबीले नाकामा नेपालीलाई पटकपटक कुटपिट गर्ने र लुट्ने गरेको भन्दै सीमा क्षेत्रमा प्रभावकारी सुरक्षाको व्यवस्था गरिनुपर्ने हरिनगरका स्थानीयवासी इसराइल मन्सुरीले बताउनुभयो । नाकामा भारतीय सुरक्षा बलले नेपालीलाई कुटपिट गर्ने गरेकाले सुरक्षाको माग गरिएको कासिम मियाँले बताउनुभयो । सीमा क्षेत्रमा विगतदेखि आवागमनमा कुनै रोक नभए पनि पछिल्लो समय भारतीय पक्षबाट कृषि कार्यमा समेत अवरोध हुने गरेको उहाँले बताउनुभयो ।

सशस्त्र प्रहरी बल कोशी प्रदेश प्रमुख प्रहरी नायब महानिरीक्षक अञ्जनीकुमार पोखरेलले सीमा समस्या र विवाद नसुल्झिँदा स्थानीयवासीले भौतिक र मानसिक तनाव खेप्नुपरेको भन्दै यो समस्या समाधानका लागि माथिल्लो निकायबाट पहल हुनुपर्ने बताउनुभयो ।

अन्तिम अपडेट: बैशाख २, २०८१

तपाईको प्रतिक्रिया