नेपाल रेडक्रस सोसाइटी जिल्ला शाखा भक्तपुरमा विवाद

फागुन १६, २०८० बुधबार १०:८:२० | उज्यालो सहकर्मी

काठमाण्डौ – नेपाल रेडक्रस सोसाइटी जिल्ला शाखा भक्तपुरमा दुईवटा समानान्तर कमिटी गठन भएपछि विवाद उत्पन्न भएको छ । जिल्ला शाखा भक्तपुरको यही फागुन ७ गते भएको अधिवेशनले परशुराम पाण्डेको नेतृत्वमा नयाँ कार्यसमिति चयन गरेको छ ।

तर त्यसलाई अवैधानिक भन्दै अर्को समूहले बसन्तकुमार श्रेष्ठको नेतृत्वमा नयाँ तदर्थ समिति गठन गरेको छ । अस्ति सोमवार श्रेष्ठ नेतृत्वको टोली पदभार ग्रहण गर्न जाँदा पाण्डे नेतृत्वको कार्यदलसँग कार्यकक्षमै विवाद भएको हो ।

दुवै कार्यदलले आफू आधिकारिक पदाधिकारी भएको दाबी गर्दै आएका छन् । विवादपछि प्रहरीको समन्वयमा दुवै पक्षका अध्यक्षबीच छलफल गराएर सहमति गराउने प्रयास भइरहेको श्रेष्ठ नेतृत्वको तदर्थ समितिका कोषाध्यक्ष प्रेमप्रसाद खतिवडाले बताउनुभयो ।

मानवीय कल्याणको पवित्र उद्देश्यले खोलिएको नेपाल रेडक्रस सोसाइटीमा नेतृत्व विवाद, आर्थिक अनियमितता, राजनीतिक हस्तक्षेपजस्ता समस्या हुनु दु:खद् भएको उहाँको भनाइ छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्