कैलालीको जानकी गाउँपालिकाका स्वास्थ्यकर्मीले चार महिनादेखि तलब पाएनन्

फागुन २२, २०८० मंगलबार ९:२४:३९ | रासस

कैलाली – कैलालीको जानकी गाउँपालिकामा कार्यरत स्वास्थ्यकर्मीले चार महिनादेखि तलबभत्ता नपाएको गुनासो गरेका छन् । उनीहरुले चालु आर्थिक वर्षको असोजसम्मको मात्र तलबभत्ता पाएको बताएका हुन् ।

तलबभत्ता रोकिएपछि दैनिक जीवन चलाउन मुस्किल हुन थालेको उनीहरुको गुनासो छ । गाउँपालिकामा कार्यरत स्वास्थ्यकर्मी प्रमोद कठरियाले समयमा तलब नआएपछि समस्या भएको बताउनुभयो ।सङ्घीय तहबाट पालिकामा समायोजन भएर आएका स्वास्थ्यकर्मीले पाउँदै आएको तलबभत्ता गाउँपालिकाले बजेटको अभाव देखाउँदै रोकिदिएको छ ।

सङ्घीय सरकारबाट आर्थिक वर्षको शुरुमै आउनुपर्ने पर्याप्त बजेट नआएपछि समस्या भएको गाउँपालिकाका लेखा अधिकृत दिनेश माझीले बताउनुभयो । गाउँपालिकामा कार्यरत स्वास्थ्यकर्मीका लागि वार्षिक तीन करोडभन्दा धेरै खर्च चाहिनेमा यसवर्ष एक करोड १४ लाख मात्रै आएको उहाँको भनाई छ ।

अन्य शीर्षकबाट पनि खर्च गर्न नपाइने भएपछि कार्यरत स्वास्थ्यकर्मीको चार महिनाको तलब रकम भुक्तानी गर्न नसकेको लेखा अधिकृत माझीको भनाइ छ । अहिले गाउँपालिकामा सङ्घीय तहबाट समायोजन भएर आएका ४९ स्वास्थ्यकर्मी कार्यरत छन् ।

करार तथा ज्यालादारीमा व्यवस्थापन गरिएका अन्य कर्मचारीले भने नियमित तलब भत्ता पाइरहेका छन् । स्वास्थ्य शाखा प्रमुख जितबहादुर चौधरीले गाउँपालिकाबाट मन्त्रालयलाई ताकेता गरिरहेको जानकारी दिनुभयो । गएको वर्ष यस्तै समस्या भजनी नगरपालिका र जोशीपुर गाउँपालिकामा पनि देखिएको थियो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कैलालीको जानकी गाउँपालिकाका स्वास्थ्यकर्मीले चार महिनादेखि तलब पाएनन्

फाइल फाेटाे

तपाईको प्रतिक्रिया