हुम्लाको सिमकोटमा दैनिक ११ घण्टा बिजुली कटौती

एसईईको तयारीमा रहेका विद्यार्थीसहित उपभोक्ता मर्कामा

चैत ३, २०८० शनिबार १२:४२:२१ | रासस

हुम्ला — सिमकोटमा दैनिक ११ घण्टाभन्दा धेरै बिजुली कटौती हुँदा एसईईको तयारीमा रहेका विद्यार्थीसहित उपभोक्ता मर्कामा परेका छन् । एसईई दिने विद्यार्थीलाई पढ्न तथा अरु विद्यार्थीलाई गृहकार्य गर्न समस्या छ । चैत १५ गतेदेखि एसईईको परीक्षा शुरु हुँदैछ । विद्यार्थीलाई रातको समयमा पढ्न समस्या हुँदै आएको छ ।

खार्पुनाथ गाउँपालिका–३ को हुम्ला मा.वि. रायाका विद्यार्थी रेलबहादुर बुढाले बिजुली कटौती हुँदा पढ्न नपाएको गुनासो गर्नुभयो । सदरमुकाम आएर एसईईको तयारी गरिरहेको भए पनि रातिको समयमा पढाइमा बाधा पुगेको उहाँको भनाइ छ । जिल्लाका सरकारी कार्यालयको प्रशासनिक काम तथा सदरमुकामको व्यापार–व्यवसाय पनि प्रभावित बनेको छ ।

विद्युत् कटौतीको सहि समय तालिका नभएका कारण पनि सेवाग्राही समस्यामा परेका छन् । एक भारी दाउराको सिमकोटमा एक हजार रुपैयाँ तिर्नुपर्ने अवस्था छ ।

नेपाल विद्युत् प्राधिकरण हुम्लाका निमित्त प्रमुख सुशील थारुले प्राधिकरणले लोडसेडिङको तालिका नबनाएको बताउनुभयो । हिल्दूमा रहेकाे साना जलविद्युत् आयोजनाको मुहानमा पानीको स्रोत घटबढ भैरहने भएकाले विद्युत् भार कटौतीको तालिका बनाउन समस्या भएको निमित्त प्रमुख थारुले बताउनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

हुम्लाको सिमकोटमा दैनिक ११ घण्टा बिजुली कटौती

एसईईको तयारीमा रहेका विद्यार्थीसहित उपभोक्ता मर्कामा

प्रतीकात्मक तस्बिर

तपाईको प्रतिक्रिया