पानी परेपछि पूर्वी क्षेत्रका किसान खुसी, जङ्गलमा लागिरहेको डढेलो निभाउन सहयोगी हुने

चैत ७, २०८० बुधबार १५:२९:३२ | उज्यालो सहकर्मी

काठमाण्डाै – पानी परेपछि पूर्वी क्षेत्रका किसान खुसी भएका छन् । यसअघि तुलनात्मकरूपमा पश्चिमी क्षेत्रमा केही बढी वर्षा तथा हिमपात भए पनि पूर्वी क्षेत्रमा सुक्खा भएको थियो । तर गए रातिदेखि पूर्वी क्षेत्रमा पनि वर्षा भएको हो ।

पछिल्लो १२ घण्टामा बाग्मती प्रदेश र त्यसभन्दा पूर्वी क्षेत्रको धेरैजसो ठाउँमा वर्षा भएको छ । पानी परेका कारण मकै छर्न सजिलो भएको इलामका किसान मातृका खतिवडाले बताउनुभयो ।

यस्तै पूर्वी पहाडमा धेरै खेती भइरहेको अलैँची खेतीलाई पनि वर्षाले फाइदा पुर्‍याएको छ । उच्च हिमाली क्षेत्रमा हिमपातका कारण आलुखेतीलाई फाइदा पुगेको र वर्षाले पहाडी तथा तराई क्षेत्रमा गहुँ, मकै, तोरी तरकारी बालीका लागि राम्रो भएको बालीविद् डा. डिल्लीराम शर्माले बताउनुभयो ।

आजदेखि परेको पानी काठमाण्डौ उपत्यकामा आज बेलुकासम्म र कोशी तथा मधेश प्रदेशमा पर्सि शुक्रवारसम्म पर्ने सम्भावना रहेको जल तथा मौसम विज्ञान विभागका मौसमविद् गोविन्द झाले बताउनुभयो । लामो समयको खडेरीका कारण खेतबारीमा सुक्खा लागेको बेला भएको वर्षाले आफूहरूलाई खुशी बनाएको किसानको भनाइ छ ।

यस्तै पछिल्लो केही हप्तादेखि विभिन्न जङ्गलमा भइरहेको डढेलो निभाउन पनि यो वर्षा सहयोगी बनेको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पानी परेपछि पूर्वी क्षेत्रका किसान खुसी, जङ्गलमा लागिरहेको डढेलो निभाउन सहयोगी हुने

फाइल फाेटाे

तपाईको प्रतिक्रिया