नेता बन्न बम राख्ने व्यक्ति पक्राउ

कात्तिक ३०, २०७५ शुक्रबार १५:५५:३ | गोविन्द शर्मा

बाँके – बिहीबार नेपालगञ्जमा बम राख्ने व्यक्तिलाई पक्राउ गरी प्रहरीले शुक्रबार सार्वजनिक गरिएको छ ।

बम राखेको अभियोगमा जाजरकोटको नलगाड ४ का २७ वर्षका प्रदीप वली पक्राउ परेका हुन् । जिल्ला प्रहरी कार्यालय बाँकेका प्रमुख प्रहरी उपरीक्षक अरुण पौडेलले पक्राउ परेका वली लामो समयदेखि भारतको सिम्लामा रहेको फैक्ट्रीमा मजदुरको रुपमा कार्यरत रहेको र त्यही बम बनाउन सिकेको पाइएको जानकारी दिनुभयो ।

समाजमा आतंक सिर्जना गर्ने उद्देश्यले बम राखेको पाइएको उहाँले बताउनुभयो । प्रहरीले पुष्पलाल चोकमा राखिएको सीसी क्यामेराको फुटेज तथा सुरक्षा निगरानीका आधारमा बम राखिएको एक घण्टाभित्र वलीलाई शंकाष्पद व्यक्तिको रुपमा पहिचान गरी बम डिस्पोजल गर्नुभन्दा अगाडि नै पक्राउ गरेको थियो ।

नेपाल–भारतको सीमा नाकामा बम राख्ने उद्धेश्य भए पनि वलीले सुरक्षाका कारण पुष्पलाल चोकमा राखेको बयान प्रहरी समक्ष दिएका छन् । प्रहरीले वलीको साथबाट झण्डै ४२ हजार रुपैयाँसहित सीम कार्ड, नागरिकतासँगै कमाण्डो ग्रुप र ‘हामी नेपाली, हाम्रो नेपाल’ नामक लेटर प्याडलगायतका प्रचार सामाग्री समेत बरामद गरेको छ ।

वलीले आफूलाई समूहको अध्यक्षको रुपमा चिनाएका छन् । उच्च मावि उत्तिर्ण गरेका वलीले भारतको सिम्लामा नेपाली मजदुर जम्मा पारेर समूह बनाएको र आफू नेता बन्ने महत्वकांक्षा देखाएको जिल्ला प्रहरी कार्यालय बाँकेका एसपी पौडेलले बताउनुभयो ।

नेपालगञ्जमा राखिएको बम परिमार्जित विष्फोटक पदार्थ(आईईडी) भएको प्रहरीले जनाएको छ । पुष्पलाल चोकमा बिहीबार बिहान ११.३० बजेतिर प्लाटिकको झोलाभित्र राखिएको बम दिउँसो ४ बजेतिर नेपाली सेनाको टोलीले सुरक्षित रुपमा निष्कृय पारेको थियो । प्रहरीले वलीका विषयमा थप अनुसन्धान गरिरहेको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्