शुक्लाफाँटा नगरपालिकाले किसानलाई १ सय ३० क्विन्टल उन्नत जातको धानको बीउ वितरण गर्‍याे

जेठ १, २०८१ मंगलबार १२:३२:५ | रासस

कञ्चनपुर – कञ्चनपुरको शुक्लाफाँटा नगरपालिकाले किसानलाई एक सय ३० क्विन्टल उन्नत जातको धानको बीउ वितरण गरेको छ । उत्पादन वृद्धि गरी किसानको आयस्तर बढाउन एक सय ३० क्विन्टल उन्नत जातको धानको बीउ वितरण गरेको नगरपालिकाले जनाएको छ ।

चालु आर्थिक वर्षको स्वीकृत खाद्यान्न बालीको बीउबिजन उत्पादन कार्यक्रमअन्तर्गत नगरपालिकाले ५० प्रतिशत अनुदानमा किसानलाई धानको बीउ वितरण गरेको हो । नगरपालिकाका १२ वटै वडाका सहकारी, समूह र कृषि फार्ममार्फत किसानलाई अनुदानमा धानको बीउ वितरण गरिएको नगरपालिकाको कृषि शाखाका प्रमुख करनसिंह बुढाऐरले बताउनुभयो ।

उहाँकाअनुसार साँवा मन्सुली २० क्विन्टल, सुक्खा तीन २३ क्विन्टल, राधा चार ४२ क्विन्टल र सर्जु बाउन्न ४२ क्विन्टल धानको बीउ किसानलाई वितरण गरिएको हो । वितरण भएको बीउबाट चालिस बिघा खेतमा धान रोप्न पुग्नेछ ।

उन्नत जातको धानको क्षेत्र विस्तार गरी उत्पादन बढाउन हरेक वर्ष माटो सुहाउँदो बीउ अनुदानमा वितरण गर्दै आएको कृषि शाखाका प्रमुख बुढाऐरले बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

शुक्लाफाँटा नगरपालिकाले किसानलाई १ सय ३० क्विन्टल उन्नत जातको धानको बीउ वितरण गर्‍याे

फाइल तस्बिर

तपाईको प्रतिक्रिया