आज ५८ औँ अन्तर्राष्ट्रिय साक्षरता दिवस : साक्षरता अभियानको १६ व...
भदौ २३, २०८१ आइतबार
काठमाण्डाै – ललितपुर मेयर्स कप महिला टी–२० क्रिकेट प्रतियोगितामा बाग्मती प्रदेशले पहिलाे जित हात पारेकाे छ । कीर्तिपुरकाे त्रिवि क्रिकेट मैदानमा आज भएको खेलमा बाग्मतीले कोशी प्रदेशलाई ८ विकेटले हरायो ।
कोशीले दिएको ६४ रनको लक्ष्य बाग्मतीले ११ ओभर २ बलमा २ विकेट गुमाएर भेटायो । बाग्मतीकी याशु पाण्डेले २६ रन बनाइन् । कोशीकी हिरनमयी रोय र अप्सरी बेगमले समान १ विकेट लिइन् ।
यसअघि टस हारेर ब्याटिङ गरेको कोशीले निर्धारित १३ ओभरमा ६ विकेट गुमाएर ६३ रन बनायो । कोशीकी कप्तान अप्सरी बेगमले सबैभन्दा धेरै ३५ रन बनाइन् । बाग्मतीकी खुशी डङ्गोल र मनिषा उपाध्यायले समान २ विकेट लिइन् ।
यो पहिलो जितसँगै बाग्मती तीन खेलमा दुई अङ्कसहित तालिकाको चौथो स्थानमा छ । कोशीको यो लगातार तेस्रो हार हो ।
पाँच टोली सहभागी प्रतियोगिताको फाइनल खेल आउँदो शनिवार हुनेछ । लिग चरणका शीर्ष दुई टोलीले उपाधिका लागि खेल्नेछन् ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।