थापाको हत्यारा सार्वजनिक गर्न माग गर्दै कैलाली बन्दको घोषणा

मंसिर ३, २०७५ सोमबार १७:१४:२९ | निर्मला खडायत

कैलाली – धनगढीको उत्तरबेहडीका युवक विजय थापाको हत्यारा सार्वजनिक गर्न माग गर्दै मंगलबार कैलाली बन्दको घोषणा गरिएको छ ।

हत्या प्रकरणमा पीडितले दोषीलाई कारबाही र पीडितलाई न्यायको माग गर्दै भोलि बिहान ७ बजे देखि कैलाली बन्दको घोषणा गरेका हुन् । प्रहरीले अनुसन्धानमा लापर्वाही गरेको भन्दै विजय थापा न्यायिक संघर्ष समितिले बन्दको घोषणा गरेका हुन् ।

थापा न्यायिक संघर्ष समितिका देवराज जोशीले दोषीलाई सार्वजनिक नगरुन्जेलसम्म आफूहरुको आन्दोलन र आमहड्तालको कार्यक्रम जारी रहने बताउनुभयो । प्रदेशको अस्थायी राजधानी धनगढीमा प्रदेश प्रमुखको कार्यालय नजिकै धनगढी उप–महानगरपालिका वडा नम्बर –४, नाष्ट कलेज अगाडि स्थानीय युवा विजय थापाको हत्यामा संलग्नलाई उम्काउन खोजिएको उनीहरुको आरोप छ ।

विभिन्न कारण देखाएर घटनालाई मोड्ने प्रयास भइरहेको भन्दै आन्दोलनको घोषणा गरेको संघर्ष समितिले जनाएको छ । हत्यारा कठघरामा भएको भन्दै मृतककी आमा सीता थापाले प्रहरीले चाँडोभन्दा चाँडो हत्यारालाई कारबाही हुनुपर्ने बताउनुभयो । उहाँले प्रहरीलाई विभिन्न प्रलोभनमा देखाएर घटना मोड्ने काम भैरहेको आरोप लागउनुभयो ।

जिल्ला प्रहरी कार्यालयका निमित्त प्रमुख प्रहरी नायव उपरीक्षक हरिबहादुर वलीले दोषी जो भए पनि कारबाही गरिने बताउनुभयो । उहाँले प्रहरी अहिले अनुसन्धानको प्रारम्भमै भएकोले सेटीलाई दोषी भनिहाल्न नमिल्ने बताउनुभयो । उहान्ले पोष्टमार्टमको रिपोर्ट आइसकेको र त्यसका आधारमा मृतकको हत्या भएको प्रष्ट हुने बताउनुभयो ।

दोषीलाई सार्वजनिक गर्न माग गर्दै चौराहदेखि जिल्ला प्रशासन कार्यालयसम्म पीडित परिरवारसहितको न्यायिक संघर्ष समितिले प्रदर्शन गरेका थिए ।

शुक्रबार राति ९ बजे धनगढी उपमहानगरपालिका–४, प्रदेश प्रमुखको कार्यालय नजिकै स्थानीय विजय थापाको हत्या भएको थियो । हत्या गरेर घिसार्दै लगिरहेको आशिष सेटीलाई प्रहरीले पक्राउ गरेको थियो । घटनास्थलबाटै पक्राउ परेका सेटीलाई दोषीका रुपमा सार्वजनिक नगरिएको र घटनालाई प्रहरीले बङ्ग्याउने कोसिस गरिरहेको भन्दै न्यायिक संमितिले दबाब दिन थालेको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निर्मला खडायत

खडायत कैलालीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्