भारतमा मजदुर गरी फर्केका कुँवर लुटिए

मंसिर ४, २०७५ मंगलबार १४:४३:११ | गोविन्द शर्मा

बाँके – भारतमा मजदुरी गरी स्वदेश फर्कने नेपाली लालसिंह कुँवर सीमानाकामा लुटिएका छन् ।

केही समय पहिले नेपाल प्रहरीले लामो समयसम्मको अनुसन्धानपछि बेहोस बनाई लुटपाटमा संलग्न गिरोहलाई नियन्त्रणमा लिएको थियो । प्रहरीले गिरोहलाई नियन्त्रणमा लिएपछि केही समय रोकिएको लुटपाट कार्य फेरि सुरु भएको छ ।

इलाका प्रहरी कार्यालय जमूनाहका प्रहरी निरीक्षक शिवकुमार वलीका अनुसार मङ्गलबार बिहान दिल्लीमा मजदुरी गरेर स्वदेश फर्कँदै गरेका बाँकेको राप्ती सोनारी गाउँपालिका ४ का लालसिंह कुँवरलाई बेहोस बनाएर लुटपाट गरिएको छ ।

दिल्लीबाट बसमा सीमावर्ती रुपैडिया आउँदै गर्दा कुँवरलाई भारतको नानपारा नजिकै फ्रुटी खान दिइएको थियो । फ्रुटीमा नसालु पदार्थ राखिएको रहेछ । तर कुँवरले त्यसको जानकारी नपाएका कारण उहाँ बेहोस हुनुभयो ।

पछि होसमा आएपछि मात्रै आफूसँग भएको सम्पूर्ण सम्पत्ती फ्रुटी खान दिएर लुटेको कुँवरले थाहा पाउनुभयो । बेहोस अवस्थामा रहेका कुँवरलाई बसमै रहेका सञ्चारकर्मी देबीराम कुसारीले उद्धार गरी नेपालगञ्ज ल्याउनुभएको थियो । भेरी अञ्चल अस्पतालमा उपचाररत कुँवरको साथमा रहेको भारतीय १३ हजार रुपैयाँ लुटिएको छ ।

बीचबाटोमा यात्रुलाई नसालु पदार्थ सेवन गराई लुटपाट गर्ने गिरोह यसअघि नेपाली नागरिक नै भएको पाइएको थियो । नेपाली भएकाले सजिलै घुलमिल हुने भएकाले पनि लुटेराहरुले खानेकुरामा नसालु पदार्थ मिसाएर खान दिने गरेको पाइएको छ । कतिपय बसमै बेहोस सुतिरहेका व्यक्तिलाई भारतीयले उद्धार गरी सीमासम्म ल्याई पु¥याउने गरेका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्