पत्रकार रहिस अहमद सिद्दिकीको निधन

मंसिर ६, २०७५ बिहीबार १४:३२:११ | गोविन्द शर्मा

बाँके – नेपालगञ्जका पुराना पुस्ताका पत्रकार रहिस अहमद सिद्दिकीको बुधबार राति निधन भएको छ ।

नेपालगञ्जबाट नियमित रुपमा प्रकाशित हुँदै आएको समय अधिकार राष्ट्रिय दैनिकका प्रकाशक÷सम्पादक रहनुभएका ४७ वर्षीय सिद्दिकीको शिक्षण अस्पताल कोहलपुरमा उपचारका क्रममा निधन भएको हो । कलेजो र मिर्गौलासम्बन्धी समस्याबाट पीडित सिद्दिकी लामो समयदेखि उपचाररत रहनुभएको थियो ।

सिद्दिकीको निधनबाट नेपालगञ्जको पत्रकारिताले एक असल अभिभावक गुमाएको नेपाल पत्रकार महासङ्घ बाँकेका अध्यक्ष ठाकुर सिंह थारुले बताउनुभयो । पत्रकार सिद्दिकी जामा मस्जिद इदगाह सञ्चालक समितिको अध्यक्ष समेत हुनुहुन्थ्यो । संयोगवश उहाँको मोहम्मद डेकै दिनमा निधन भएको छ ।

सिद्दिकी करिब अढाई दशकदेखि पत्रकारितामा सक्रिय रहँदै आउनुभएको थियो । सिद्दिकीका पत्नी, चार छोरी र एक छोरा छन् । यसैबीच सिद्दिकीको बिहीबार दिउँसो नेपालगञ्ज उप–महानगरपालिका वडा नम्बर ४ मा रहेको कव्रस्तानमा इस्लाम परम्परा अनुसार अन्त्येष्टि गरिएको छ ।

अन्त्येष्टिका परिवारका सदस्यसहित, पत्रकार र विभिन्न क्षेत्रका अगुवाहरुको सहभागिता रहेको थियो । यसैबीच सिद्दिकीको निधनप्रति नेपाल पत्रकार महासङ्घ बाँके, प्रेस युनियनलगायतका सङ्घ संस्थाले विज्ञप्ति जारी गरी दुःख व्यक्त गरेका छन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोविन्द शर्मा

गोविन्द शर्मा बाँकेका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्