रुद्राक्ष खरिदका विषयमा आफ्नै साथीलाई कुट्ने चिनियाँ नागरिक १६ लाख धरौटीमा छुटे

मंसिर ६, २०७५ बिहीबार १७:४५:५९ | नवीन गुरुङ

संखुवासभा – संखुवासभाको सदरमुकाम खाँदबारीमा रुद्राक्ष खरिदबिक्रीको विषयलाई लिएर भएको कुटपिटको मुद्धामा जेल परेका चार जना चिनियाँ नागरिकहरु धरौटीमा छुटेका छन् ।

आफ्नै साथीलाई कुटपिट गरेको आरोपमा पक्राउ परेका चार जना चिनियाँ रुद्राक्ष व्यापारीहरु १६ लाख रुपैयाँ धरौटीमा रिहा भएको जिल्ला अदालत संखुवासभाले जनाएको छ । रिहा हुने चिनियाँ व्यापारीहरुमा ३५ वर्षीय लि नान, ४० वर्षीय लिउ छिन, ३८ वर्षीय हाउ साउहुई र ४५ वर्षीय लीन रहेका छन । उनीहरूलाई जनही चार लाख २० हजार रुपैयाँमा धरौटीमा रिहा गरिएको जिल्ला अदालत संखुवासभाले जनाएको छ । एक समूहले खरिद गरेको रुद्राक्ष ल्याउँदै गर्दा अर्को समूहले थप रकम दिएर खरिद गर्न खोज्दा विवाद उत्पन्न भई कुटाकुट भएको थियो ।

गएको कात्तिक ४ गते सदरमुकाम खाँदबारीमा रुद्राक्ष खरिद बिक्री गर्ने विषयमा विवाद उत्पन्न भएपछि दुई समूहबीच कुटाकुट भएको थियो । कुटपिटका क्रममा आफ्नै साथी छिन जेन्वीङको टाउकोमा इँटा प्रहार भएको थियो । उनको टाउको र शरीरका विभिन्न भागमा गम्भीर चोट लागेपछि जिल्ला अस्पतालमा खाँदबारीमा उपचार हुन नसकेपछि थप उपचारका लागि हेलिकप्टरबाट काठमाडौं लगिएको थियो ।

घाइते छिन जेन्वीङको उपचार काठमाडौंमा भइरहेकाले पक्राउ परेका चारैजनालाई तारिखमा रिहा गरिएको जिल्ला प्रहरी कार्यालय संखुवासभाका प्रहरी निरीक्षक कटुवालले जानकारी दिनुभयो । रिहा हुने चारै जना चिनियाँ रुद्राक्ष व्यापारी सदरमुकाम खाँदबारीमा घर भाडामा लिएर गएको वर्षदेखि नै रुद्राक्ष खरिद बिक्रीको समयमा बसोबास गरिरहेका छन् ।

रुद्राक्षबाट छोटो समयमा राम्रो आम्दानी हुने भएकाले चिनियाँ व्यापारीहरू संखुवासभाबाट खरिद गरेको रुद्राक्ष चीन लगेर बिक्री गरेर पुनः संखुवासभा आउने गरेका जिल्ला प्रहरी कार्यालयले जनाएको छ । अहिले ५० चन्दा बढी चिनियाँ रुद्राक्ष व्यापारीहरू संखुवासभाको सदरमुकाम खाँदबारी र तुम्लिङटारका होटलहरूमा बसोबास गरिरहेको समेत जिल्ला प्रहरी कार्यालयले जनाएको छ ।

पूर्वी नेपालको संखुवासभा र भोजपुरलाई रुद्राक्ष उत्पादन हिसाबले अत्यन्तै राम्रो जिल्ला मानिन्छ । यहाँ बर्सेनि करोडौ रुपैया बराबरको खरिदबिक्री हुने गरेको व्यापारीहरुको भनाई छ । विशेषगरी संखुवासभाको सदरमुकाम खाँदबारी र मुख्य बजार तुम्लिङटारमा सातामा ठूलो रकमको कारोबार हुने गरेको पाइन्छ ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नवीन गुरुङ

संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्