प्रधानमन्त्रीले मेहनत गरिराखेको देख्दा खुशी लागेको छ : गगन थापा

साउन २९, २०८१ मंगलबार १४:५९:२३ | उज्यालो सहकर्मी

काठमाण्डाै – सत्तारूढ नेपाली कांग्रेसका महामन्त्री गगनकुमार थापाले प्रधानमन्त्री केपी शर्मा ओलीको काम कारबाहीप्रति सन्तुष्टि व्यक्त गर्नुभएको छ ।

प्रतिनिधि सभाकाे आजकाे बैठकमा महामन्त्री थापाले प्रधानमन्त्रीले मेहनत गरेको देख्दा खुशी लागेको टिप्पणी गर्नुभएकाे हाे । उहाँले मन्त्रीहरूलाई भने दुई वर्षको समय ठूलो भएकाले धेरै काम गर्न सकिने बताउनुभयो ।

महामन्त्री थापाले कामका आधारमा मन्त्रीहरूको प्रशंसा र आलोचना दुवै गर्ने पनि बताउनुभयो । उहाँले मन्त्रीहरूलाई आफ्नो कार्यकाल हेरेर कार्ययोजना बनाउन पनि सुझाव दिनुभयो । सरकारका मन्त्रीहरूलाई काम गर्नका लागि आफूले सधैँ साथ दिने महामन्त्री थापाले प्रतिबद्धता व्यक्त गर्नुयो ।

उहाँले भन्नुभयो, ‘प्रधानमन्त्रीले मेहनत गरेको देखिराखेको छु । खुशी लागेको छ । मन्त्रीजीहरूले शुरुमा खादामाला लगाउनुभएको भए पनि बिस्तारै बिस्तारै कार्ययोजनाहरू बनाई राख्नुभएको छ । याे २४ महिनाका लागि मन्त्री हुनुभएको छ । यो समय भनेको सानो समय होइन । नौ महिनाको मन्त्री हुँदाको मेरो अनुभव छ । यो समयभित्र धेरै गर्न सकिन्छ ।’

महामन्त्री थापाले एक महिनाको अवधिमा कार्ययोजना बनाउने काममा मन्त्रीहरूले समय व्यतित गरेको आफूले बुझेको उल्लेख गर्दै अब काममा तीव्रता दिनुपर्ने बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्