भूकम्प पीडितलाई अनुदान वितरण रोकियो

मंसिर १०, २०७५ सोमबार १५:१७:४६ | शिव ढुंगाना

ओखलढुंगा– ओखलढुंगामा भूकम्प पीडितलाई वितरण गरिँदै आएको व्यक्तिगत आवास पुनःनिर्माणको अनुदान रोकिएको छ ।

दाताले प्रतिबद्धता गरेको रकम नआएपछि भूकम्प पीडितले व्यक्तिगत आवास अनुदानको रकम आएका छैनन् । नेपाल सरकारलाई उपलब्ध गराएको रकम यसअघि खर्च भएपछि किस्ता लिन निवेदन दिएका भूकम्प पीडितले रकम नपाएका हुन् । पहिलो किस्ताबापतको रकम खर्च भइसकेको र अन्य किस्ता रकम नआएपछि महालेखा परीक्षकको कार्यालयले भूक्तानी रोकेको छ ।

पुनःनिर्माण प्राधिकरणको जिल्लास्थित कार्यालयले कोष तथा लेखा नियन्त्रण कार्यालयलाई मापदण्ड पूरा गरेर अनुदानको किस्ता लिन योग्य भूकम्प पीडितहरुको भुक्तानी आदेश पठाए पनि निकासाको फुकुवा नआएपछि भुक्तानी हुन सकेको छैन ।

फुकुवा आएको रकम गएको असोजमै खर्च भइसकेको र थप भुक्तानीका लागि फुकुवा नआएको कोष तथा लेखा नियन्त्रण कार्यालयले जनाएको छ ।

कार्यालयका प्रमुख राजन फुयाँलले निकासा फुकुवा नआएका कारण भुक्तानी आदेश कार्यान्वयन नभएको बताउनुभयो । ‘दाताले दिएको रकम सकिएपछि महालेखाले भुक्तानी फुकुवा गरेको छैन, प्राधिकरणले पहल गर्ने विषय भएकाले जिल्लामा केही गर्न सकिँदैन’, फुयाँलले भन्नुभयो । उहाँका अनुसार दाताको प्रतिबद्धता अनुसारको रकम नभएकाले महालेखाले फुकुवा रोकेको हो ।

जिल्लामा दुई महिनादेखि एक हजार पाँच सय भूकम्प पीडितले किस्ता पाउने मापदण्ड पूरा गरेर भुक्तानी आदेश बनेको छ । यसमध्ये ४ सय २६ जनाको भुक्तानी आदेश कोष तथा लेखा नियन्त्रण कार्यालयमा पुगे पनि फुकुवा नआएकाले रोकिएको हो ।

भुक्तानी रोकिएको विषयमा कुरा गर्न राष्ट्रिय पुनःनिर्माण प्राधिकरणका सूचना अधिकारी मनोहर घिमिरेलाई पटक–पटक टेलिफोन गरे पनि सम्पर्कमा आउनुभएन ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्