चिनियाँ र रुसी प्रविधियुक्त गाडीमा अमेरिकी प्रतिबन्धबारे चर्चा चुलियो

असोज ८, २०८१ मंगलबार ९:३७:५ | एजेन्सी

अमेरिकाले चिनियाँ र रूसी प्रविधिप्रयोग गरी निर्माण भएका गाडी बिक्रीमा प्रतिबन्ध लगाउने तयारी गरेको भन्दै चीनले आपत्ति जनाएको छ । अमेरिकालाई आफ्ना कम्पनीविरुद्ध ‘भेदभावपूर्ण कदम’ नचाल्न चीनले चेतावनी दिएको हो ।

यसअघि अमेरिकाले चीनमा निर्मित हार्डवेयर र सफ्टवेयरलाई आफ्ना गाडीमा प्रतिबन्ध लगाउने नयाँ नियममा विचार गरिरहेको खबर विभिन्न अन्तर्राष्ट्रिय सञ्चारमाध्यमले सार्वजनिक गरेका थिए ।

चीनले अमेरिकालाई बजार सिद्धान्तको सम्मान गर्न र चिनियाँ उद्यमका लागि खुला, निष्पक्ष, पारदर्शी र भेदभावरहित व्यावसायिक वातावरण प्रदान गर्न आग्रह गरेको चिनियाँ विदेश मन्त्रालयका प्रवक्ता लिन जियानलाई उद्धृत गर्दै अन्तर्राष्ट्रिय समाचार माध्यम एएफपीले जनाएको छ ।

अमेरिकाले राष्ट्रिय सुरक्षाको अवधारणालाई अघि सारेर चिनियाँ कम्पनी तथा उत्पादनविरुद्ध विभेदकारी कदम चालेको भन्दै चीनले विरोध गरेको खबरमा उल्लेख छ । प्रवक्ता लिनले चीनले आफ्नो वैध अधिकार र हितको रक्षा गर्ने बताउनुभएको छ ।

अमेरीकाको यो कदमले चीनसँगको व्यापार विवादलाई थप बढाउने देखिएको छ । गएको मे महिनामा अमेरिकाले विद्युतीय गाडी, ब्याट्री, महत्त्पूर्ण खनिज पदार्थ , चिकित्सा उत्पादन लगायत चिनियाँ आयातमा चर्को कर वृद्धि गरेको थियो । चीनले व्यापारमा प्रतिस्पर्धा गर्नुको साटो ठगी गरेको अमेरिकाले आरोप लगाउँदै आएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चिनियाँ र रुसी प्रविधियुक्त गाडीमा अमेरिकी प्रतिबन्धबारे चर्चा चुलियो

तस्बिर : एजेन्सी

तपाईको प्रतिक्रिया