न्युजिल्यान्डका पूर्वकप्तान केन विलियमसनले बेङ्गलोरमा हुने भारतसँगको पहिलो टेस्ट गुमाउने भएका छन् ।

श्रीलङ्का भ्रमणका क्रममा विलियमसनलाई चोट लागेको थियो । त्यो चोट अहिलेसम्म ठीक नभएको र उनले भारतसँगको पहिलो टेस्ट गुमाउने क्रिकेटसम्बन्धी जानकारी दिने वेबसाइट क्रिकइन्फोले जनाएको छ । न्युजिल्यान्डको टोलीमा विलियमसनको ठाउँमा मार्क च्यापम्यानलाई समावेश गराइएको छ ।

भारत र न्युजिल्यान्डबीचको तीन खेलको टेस्ट शृङ्खला अक्टोबर १६ देखि बेङ्गलोरमा शुरू हुँदैछ । न्युजिल्यान्डको कप्तानी टम लाथमले गर्नेछन् । श्रीलङ्कासँगको टेस्ट शृङ्खला हारेपछि टिम साउथीले कप्तानबाट राजीनामा दिएका थिए ।

भारत र श्रीलङ्काबीचको दोस्रो टेस्ट अक्टोबर २४ देखि पुनेमा र तेस्रो तथा अन्तिम टेस्ट नोभेम्बर १ देखि मुम्बईमा शुरू हुनेछ ।