चिया प्रशोधन उद्योग खुलेपछि किसानलाई सहज

मंसिर १२, २०७५ बुधबार ७:१९:० | प्रकाश धौलाकोटी

तेह्रथुम – जिल्लाका चिया किसानको चार दशकभन्दा बढी समयको मेहनत र लगनशीलता यतिबेला सुखमा परिणत भएको छ । गाउँमै सुविधायुक्त चिया प्रशोधन उद्योग खुलेपछि जिल्लाका हजारौं चिया किसानलाई राहत पुगेको छ ।

जिल्लाका ५ सयभन्दा बढी चिया किसान र ९ वटा चिया सहकारीले आफ्नै जिल्लामा चिया प्रशोधन कारखाना बनाएका छन् । हरियो पत्ती प्रशोधन गर्ने कारखाना जिल्लामै खुलेपछि सोल्मा सहित सुङनाम, जिरिखिम्ती, मोराहाङ, श्रीजुङ, हमुरजुङ, पञ्चकन्या, आङ्दिम बसन्तपुर, फुलेक, दाँंगपा र छिमेकी जिल्ला धनकुटा र संखुवासभाका साना चिया किसानले समेत राहत पाएका छन् । यी स्थानका किसानले व्यावसायिक चिया खेती गर्दै आएका छन् ।

साना चिया किसानलाई लक्षित गरी लालीगुराँस नगरपालिका–९ सोल्मामा सञ्चालनमा आएकोे चिया प्रशोधन कारखानाका कारण किसानले रोजगारी र आम्दानी दुबै पाएको सिंहदेवी चिया उत्पादक सहकारी संस्थाका व्यवस्थापक शंकर खनालले बताउनुभयो । जिल्लामै कारखाना खुलेपछि किसानका समस्या हटेको कारखानाका प्राविधिक बीरबहादुर बस्नेतले बताउनुभयो ।

हिलेमा रहेको चिया प्रशोधन कारखानाले हरियो पत्तीको प्रतिकेजी ५६ रुपैयाँ मात्र मुल्य दिँदै आएको थियो । तर जिल्लामै कारखाना खुलेपछि भने किसानले प्रतिकेजी ६५ रुपैया मुल्य पाउन थालेका छन् । प्रतिकेजी ९ रुपैया बढी मूल्य पाउँदा पत्ती बिक्रीबाट आम्दानी समेत बढेको किसान राम खनालले बताउनुभयो ।

कारखाना सञ्चालनमा आएपछि सोल्मासहित जिल्लाभर उत्पादन भएको हरियो पत्ती कारखानामा ल्याएर प्रशोधन गर्न थालिएको छ । कारखानामा प्रशोधन गरिएको हरियो पत्तीलाई संस्थामार्फत नै ग्रेडिङ, प्याकेजिङ र बजारीकरणसमेत भइरहेको छ । किसान एक्लैले यस्ता कारखाना स्थापना गरेर सञ्चालन गर्न नसक्ने भएकाले सहकारी संस्थाले सञ्चालनमा ल्याएको कारखाना साना चिया किसानका लागि उपयोगी भएको लालीगुराँस नगरपालिकाकी उपप्रमुख तिला पोखरेलको भनाइ छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रकाश धौलाकोटी

उज्यालोका तेह्रथुम सहकर्मी प्रकाश धौलाकोटी रेडियो तेह्रथुममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्