चलचित्र ‘प्रसाद’को विदेशमा उच्च माग, रिलिजअघि नै आधा लगानी सुरक्षित

मंसिर १२, २०७५ बुधबार १७:२:३३ | उज्यालो सहकर्मी

काठमाडौं – मंसिर २१ गतेबाट नेपालभर प्रदर्शनमा आउन लागेको चलचित्र हो ‘प्रसाद’ । यतिबेला चलचित्र युनिट चलचित्रको प्रचारप्रसारमा व्यस्त छ । चलचित्रको ट्रेलर सार्वजनिक भएसँगै चलचित्र बजारमा ‘प्रसाद’को चर्चा थाप चुलिएको छ ।

नेपालमा प्रदर्शन हुन अगावै चलचित्रको विदेशी डिमाण्ड आइरहेको निर्देशक दिनेश राउत बताउँछन् । लगभग आधा लगानी ओभरसिज राइट्सबाटै उठ्ने छाँटकाट देखाएको छ । हाल युरोपियन मुलुकहरुमा चलचित्रकोे उच्च डिमान्ड भइरहेको निर्देशक राउतको भनाई छ ।

चलचित्र ‘प्रसाद’को युरोप वितरणको अधिकार सुरज कार्कीलाई दिइएको छ । कार्कीले बताएअनुसार युरोपका १२ देशमा चलचित्र प्रदर्शन हुने पक्कापक्की भइसकेको छ । डेनमार्क, जर्मनी, अष्ट्रेलिया, बेल्जियम, पोल्याण्ड, माल्टा, फिनल्याण्ड, पोर्चुगल, नर्वेलगायतका अन्य केही देशहरुमा प्रदर्शन हुने पक्का भइसकेको छ । अन्य देशबाट पनि चलचित्र प्रदर्शनको माग बढिरहेको उनको भनाई रहेको छ ।

चलचित्रको अन्तर्राष्ट्रिय शो डिसेम्बर १४ बाट सुरु गर्न लागिएको बताइएको छ । चलचित्रको प्रदर्शन फिनल्याण्डबाट सुरु गर्ने तयारी भएको कार्कीको भनाई छ । कार्की भनाईलाई आधिकारिक मन्ने हो भने चलचित्र‘छक्का पञ्जा ३’ पछिको उच्च डिमान्डेड चलचित्र ‘प्रसाद’ नै हो । यसअघिको चलचित्र ‘छक्का पञ्जा ३’ ले युरोपमा अहिलेसम्मकै उच्च ३० शो पाएको थियो ।

नेपालको प्रदर्शनसँगै २१ गतेबाट नै अष्ट्रेलियामा चलचित्र प्रदर्शनको तयारी भइरहेको छ । डिसेम्बरको ७, ८, ९ र १० मा प्रसाद अष्ट्रेलियामा प्रदर्शन गर्ने बुझिएको छ । चलचित्रको निर्देशन दिनेश राउतले गरेका हुन् ।

सुवास थापा इन्टरटेनमेन्टको ब्यानरमा निर्माण भएको चलचित्र‘प्रसाद’को पटकथा सुशील पौडेलले लेखेका हुन् । चलचित्रमा राजेश श्रेष्ठको छायाङ्कन, सुवास भुसालको संगीत छ । चलचित्रमा लोकेश बज्राचार्यको सम्पादन, हिमाल केसीको द्वन्द्व रहेको छ ।

–उज्यालाे र गफगाफ डटकमकाे सहकार्य

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्