मतदातालाई पैसा बाँढ्ने अमेरिकी खर्बपति एलन मस्कको योजनामाथि अदालतमा सुनुवाइ हुँदै

कात्तिक १५, २०८१ बिहीबार १५:३९:४० | एजेन्सी

मतदातालाई १० लाख डलर पुरस्कार दिने अमेरिकी खर्बपति एलन मस्कको योजनामाथि आज अदालतमा सुनुवाइ हुँदैछ । मस्कले पेनसिल्वेनियामा दर्ता भएका मतदातालाई १० लाख डलर पुरस्कार दिने घोषणा गरेपछि त्यसको विरुद्धमा अदालतमा मुद्दा परेको हो ।

पेनसिल्वेनियाका एक न्यायाधीशले तत्काल एक सुनवाइमा उपस्थित हुन मस्कलाई आदेश दिनुभएको बीबीसीले जनाएको छ । जिल्ला न्यायाधिवक्ता लैरी क्रासनरले मस्क र उनको राजनीतिक समूह अमेरिकन पीएसीविरुद्ध मुद्दा दायर गर्नुभएको हो ।

लैरी क्रासनरले पेनसिल्वेनियाका न्यायाधीशसमक्ष गएको शुक्रवारदेखि यही बिहीवारसम्म मस्कले दिने पुरस्कार रोक्न तत्काल सुनवाइ गर्न अनुरोध गर्नुभएको थियो । यो चुनावमा एलन मस्कले राष्ट्रपतिका उम्मेदवार डोनाल्ड ट्रम्पलाई पूर्ण समर्थन गरिरहनुभएको छ ।

मस्कले नोभेम्बर ५ तारिखमा हुने चुनावसम्म दैनिक ७ स्विङ स्टेट्सका कुनै एक मतदातालाई १० लाख अमेरिकी डलर दिने घोषणा गर्नुभएको छ । यो योजनाअन्तर्गत विजेताको छनोट डोनाल्ड ट्रम्पलाई समर्थन गर्ने मस्कको ‘अमेरिकन पीएसी’ नामक समूहको उपस्थिति पुस्तिकामा हस्ताक्षर गर्नेहरूबाट हुनेछ । यसका लागि योग्य मतदाता हुनु अनिवार्य छ ।

पेनसिल्वेनियामा मस्कले पुस्तिकामा हस्ताक्षर गर्नेहरूलाई १०० डलर र अरुलाई रिफर गर्नेलाई थप १०० डलर दिइरहनुभएको छ । अरु स्विङ स्टेट्समा अरुलाई रिफर गर्नेलाई मस्कले ४७ डलर दिइरहनुभएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मतदातालाई पैसा बाँढ्ने अमेरिकी खर्बपति एलन मस्कको योजनामाथि अदालतमा सुनुवाइ हुँदै

तस्बिर : एजेन्सी

तपाईको प्रतिक्रिया