पाकिस्तानले २२ वर्षपछि अस्ट्रेलियामा एकदिवसीय शृङ्खला जित्यो

 कात्तिक २५, २०८१ आइतबार १५:२२:५६ | उज्यालो सहकर्मी
unn.prixa.net

तस्वीर : क्रिकइन्फाे

अस्ट्रेलियासँगको तीन खेलको एकदिवसीय अन्तर्राष्ट्रिय क्रिकेट शृङ्खला पाकिस्तानले जितेको छ । आज भएको तेस्रो तथा अन्तिम खेलमा अस्ट्रेलियालाई ८ विकेटले हराउँदै पाकिस्तानले एकदिवसीय शृङ्खला २–१ ले जितेको हो ।

अस्ट्रेलियाले दिएको १ सय ४१ रनको लक्ष्य पाकिस्तानले २६ ओभर ५ बलमा २ विकेट गुमाएर भेटायो । पाकिस्तान सइम अयुबले ४२, अब्दुल्लाह शफिकले ३७ रन बनाए । अस्ट्रेलियाका लेन्स मरिसले २ विकेट लिए ।

यसअघि घरेलु मैदान पर्थमा टस हारेर ब्याटिङको निम्तो पाएको अस्ट्रेलिया ३१ ओभर ५ बलमा १ सय ४० रनमा अलआउट भयो । अस्ट्रेलियाका सेन अबोटले सबैभन्दा धेरै ३० रन बनाए । पाकिस्तानका शाहीन शाह अफ्रिदी र नसीम शाहले ३/३ विकेट लिए ।

एकदिवसीय शृङ्खलाको पहिलो खेल अस्ट्रेलियाले २ विकेटले जितेको थियो । यस्तै दोस्रो खेल पाकिस्तानले ९ विकेटले जितेको थियो ।

पाकिस्तानले २२ वर्षपछि अस्ट्रेलियामा एकदिवसीय शृङ्खला जितेको हो । यसअघि पाकिस्तानले सन् २००२ अस्ट्रेलियामा घरेलु टोलीसँगको एकदिवसीय शृङ्खला जितेको थियो ।

अब अस्ट्रेलिया र पाकिस्तानबीच आउँदो बिहीवारदेखि तीन खेलको टी–२० अन्तर्राष्ट्रिय क्रिकेट शृङ्खला शुरू हुनेछ ।

अन्तिम अपडेट: मंसिर ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

बगेर खेर गइरहेछ भोटको नुन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई