इजरायली बन्धकको नयाँ भिडिओ सार्वजनिक

कात्तिक २९, २०८१ बिहीबार ६:३६:२४ | उज्यालो सहकर्मी

विद्रोही समूह हमासको सहयोगी प्यालेस्टाइनी इस्लामिक जिहाद लडाकू समूहले इजरायली बन्धकको भिडिओ सार्वजनिक गरेको छ ।

गएको वर्ष अक्टोबर ७ मा इजरायलमाथि भएको आक्रमणपछि गाजामा बन्धक बनाइएका ती व्यक्तिले आफूलाई इजरायलीले बन्धक बनाएको भन्दै भिडिओेमा आफ्नो रिहाइमा ढिलो नगर्न सार्वजनिक अपिल गरेका छन् । उनीहरुले बन्धकहरूको रिहाइका लागि सरकारमाथि दबाब बढाउन इजरायलीहरूलाई आग्रह गरेका एएफपीले जनाएको छ ।

यसैबीच, भिडिओ सार्वजनिक भएसँगै गाजामा बन्धक बनाइएका व्यक्तिका परिवारका सदस्य तथा आफन्तहरूले बन्धक रिहाइमा ढिला नगर्न सरकारसँग फेरि आग्रह गरेका छन् । यसअघि पनि उनीहरुले बन्धकको रिहाइका लागि पहल गर्न सरकारलाई पटक–पटक आग्रह गर्दै आएका थिए ।

इजरायलमा गएको अक्टुबर ७ मा भएको आक्रमणमा कम्तीमा एक हजार २०६ जनाको ज्यान गएको थियो २५० जनालाई बन्धक बनाइएको थियो । त्यसयता इजरायलले हमासविरुद्ध आक्रमण गर्दै आएको छ ।

गाजामा केन्द्रित आक्रमणमा ४३ हजारभन्दा धेरै मानिसको ज्यान गइसकेको छ । आक्रमणमा ज्यान गुमाउनेमा धेरै सर्वसाधारण रहेका खबरमा उल्लेख छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्