काठमाण्डौ गुर्खाजमा इन्दु बर्मा र विराटनगर किंग्समा दयाहाङ राई एम्बासडर नियुक्त

मंसिर ३, २०८१ सोमबार ६:१९:३७ | उज्यालो सहकर्मी

काठमाण्डौ – काठमाण्डौ गुर्खाजले आफ्नो क्रिकेट एम्बासडरमा नेपाली महिला राष्ट्रिय टोलीकी कप्तान इन्दु बर्मालाई नियुक्त गरेको छ । इन्दुले एनपीएल आयोजनाले नेपाली क्रिकेटमा ठूलो माहोल ल्याएको बताइन् ।

सन् २०१३ मा कुवेतमा भएको एसीसी ट्वान्टी–२० बाट नेपाली राष्ट्रिय टोलीमा ‘डेब्यु’ गरेकी इन्दुले ५६ टी–२० अन्तर्राष्ट्रियमा एक अर्धशतकका साथ ६ सय ५९ रन बनाउनुका साथै २९ विकेट लिएकी छन् । सन् २०२३ को नोभेम्बर ९ देखि इन्दु नेपाली महिला टोलीकी कप्तान छिन् ।

यस्तै विराटनगर किंग्सले अभिनेता दयाहाङ राईलाई नेपाल प्रिमियर लिग (एनपीएल) का लागि आफ्नो ब्राण्ड एम्बासडर घोषणा गरेको छ । हिजो काठमाण्डौमा आयोजित पत्रकार सम्मेलनमा विराटनगरले राईलाई ब्राण्ड एम्बासडर घोषणा गरेको हो ।

ब्राण्ड एम्बासडरको रूपमा विराटनगर किङ्ग्समा आबद्ध भई राईले नेपाली खेलकुदमा पनि आफ्नो उपस्थिति जनाएका हुन् । नेपाल प्रिमियर लिग (एनपीएल) यही मङ्सिर १५ गतेदेखि पुष ६ गतेसम्म चल्नेछ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्