आयाेजक मदन भण्डारी स्पाेर्ट्स एकेडेमीलाई हराउँदै पुलिसकाे विजयी शुरुआत

पुष १७, २०८१ बुधबार १८:१६:२१ | उज्यालो सहकर्मी

काठमाण्डाै – इन्डो–नेपाल रनिङ शिल्ड पुरुष भलिबलमा नेपाल पुलिस क्लबले विजयी शुरुआत गरेको छ ।

बुटवलको रामनगर खेलमैदानमा आज भएको उद्घाटन खेलमा पुलिसले मदन भण्डारी स्पोर्ट्स एकेडेमीलाई ३–१ को सेटमा हरायो । पुलिसले पहिलो सेट २५–२२, दोस्रो सेट २५–२० र चौथो सेट २५–१८ ले जित्यो । यस्तै मदन भण्डारी स्पोर्ट्स एकेडेमीले तेस्रो सेट ३४–३२ ले जित्यो ।

प्रतियोगितामा आयोजक मदन भण्डारी स्पोर्ट्स एकेडेमी, पुलिस क्लबसहित त्रिभुवन आर्मी क्लब, सशस्त्र प्रहरी बलको एपीएफ क्लब, मणिमुकुन्द भलिबल क्लब, गलकोट भलिबल क्लब, रुकुम पश्चिम भलिबल प्रशिक्षण केन्द्र र भारतको गुजरात स्टेट भलिबल एसोसिएशन गरी आठ वटा टोली सहभागी छन् ।

आजदेखि शुरू भएको प्रतियोगिता यही पुस २४ गतेसम्म सञ्चालन हुनेछ । प्रतियोगितामा पहिलो हुने टोलीले सात लाख, दोस्रो हुने टोलीले तीन लाख ५० हजार, तेस्रो हुने टोलीले एक लाख ७५ हजार सान्त्वना स्थान प्राप्त गर्ने टोलीले एक लाख रुपैयाँ पुरस्कार पाउनेछन् ।

तस्वीर : नमस्ते सुर्खेत युट्युब च्यानलबाट

अन्तिम अपडेट: पुस २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्