२५ वर्षभन्दा मुनिका लेखकलाई रचना पठाउन नेपालयको आह्वान

पुष १८, २०८१ बिहीबार ९:१६:३६ | उज्यालो सहकर्मी

काठमाण्डौ – किताब प्रकाशन संस्था पब्लिकेशन नेपालयले २५ वर्षभन्दा मुनिका लेखकलाई आफ्ना लेख रचना पठाउनका लागि आह्वान गरेको छ ।

एक्काइसौं शताब्दी : के सोचिरहेको छ र के लेखिरहेको छ भन्ने विषयमा केन्द्रित रहेर सिर्जना पठाउन नेपालयले आह्वान गरेको हो । स्थापनाको २५ वर्ष पुगेको अवसरमा नयाँ पुस्ताका लेखक पहिचान गर्न यस्तो आह्वान गरिएको नेपालयले जनाएको छ ।

सङ्कलित सिर्जनाबाट सन् २०२५ भित्र कथा, कविता र निबन्ध तीनवटै विधामा फरक फरक पुस्तक प्रकाशन गर्ने नेपालयले जनाएको छ । निर्णायक समितिले तीनवटै विधामा २५ वटा रचना छान्नेछ । छनोटमा परेका रचना पुस्तकका रूपमा प्रकाशित हुनेछन् ।

पुस्तकमा समेटिएका रचनाका लेखकलाई रोयल्टी दिने व्यवस्थासमेत गरिएको नेपालयले जनाएको छ । नेपालयका अनुसार सबै भाषामा आफ्नो सिर्जना पठाउन सकिनेछ ।

आर्टिफिसियल इन्टेलिजेन्स (एआई)को प्रयोग भएका रचना मान्य नहुने र रचना दुई हजार ५०० शब्दमा सीमित हुनुपर्ने नेपालयले जनाएको छ ।

अन्तिम अपडेट: पुस २०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्