दिल्लीमा खराब मौसमका कारण उडान तथा रेल सेवा प्रभावित

पुष २०, २०८१ शनिबार ६:२०:३ | एजेन्सी

भारतको राजधानी दिल्लीमा खराब मौसमका कारण उडान तथा रेल सेवा प्रभावित भएका छन् । बाक्लो कुहिरोले हिजो दिल्लीको गान्धी अन्तर्राष्ट्रिय विमानस्थलमा झण्डै दुई सय उडान ढिलाइ तथा केही रेल सेवा प्रभावित भएको हो ।

दिल्ली इन्टरनेशनल एअरपोर्ट लिमिटेड (डीआईएएल) ले मौसम खराबका कारण उडानहरू प्रभावित भएका जनाएको छ ।

त्यसअघि नै यात्रुहरूलाई अद्यावधिक उडान जानकारीको लागि सम्बन्धित एअरलाइन्समा सम्पर्क गर्न सल्लाह दिइएको थियो । कम भिजिबिलिटीका कारण स्पाइसजेट, इन्डिगो र एअर इन्डियालगायतका एयरलाइन्सका उडान प्रभावित भएका हुन् ।

भारतीय रेलवेले कम्तीमा २४ वटा रेल बाक्लो कुहिरोका कारण ढिलाइ भएको जनाएको भारतीय सञ्चारमाध्यमले उल्लेख गरेका छन् । केही रेल सेवा झण्डै पाँच घण्टासम्म ढिलो भएका थिए ।

मौसम विभागले आज पनि दिल्लीमा बाक्लो कुहिरोको चेतावनी जारी गरेको छ । बाक्लो कुहिरो उत्तरपश्चिम तथा मध्य भारतका केही भागहरूमा रहने र आज बेलुका वा भोलि बिहानपछि सुधार हुने सम्भावना रहेको भारतीय मौसम विज्ञान विभागले जनाएको छ ।

अन्तिम अपडेट: पुस २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

दिल्लीमा खराब मौसमका कारण उडान तथा रेल सेवा प्रभावित

तस्बिर : एजेन्सी

तपाईको प्रतिक्रिया