विवाह समारोहमा सगुनको खाममा कति पैसा राख्छन् सेलिब्रेटी ? अमिताभ बच्चनले खोले राज

मंसिर १७, २०७५ सोमबार ८:२६:४९ | एजेन्सी

बलिउडमा अहिले बिवाहको सिजन चलिरहेको छ । भर्खरै अभिनेता रणवीर सिंह र अभिनेत्री दीपिका पादुकोणको विवाहको रिसेप्सनको कार्यक्रम सकिएको छ । डिसेम्बर १ मा मुम्बईमा आयोजित दीपवीरको रिसेप्सनमा बलिउडका महानायक अमिताभ बच्चन, शाहरुख खान, ऋतिक रोशन, रेखा, माधुरी दिक्षित, अनुष्का शर्मा, उद्योगपति मुकेश अम्बानी, क्रिकेट जगतका कपिल देव, सचिन तेन्दुलकर, महेन्द्र सिंह धोनी, सञ्जय लीला भन्सालीलगायत बलिउडका अधिकांश कलाकारको उपस्थिति थियो ।

दीपिका रणवीरको विवाह सकिन नपाउदै अर्की अभिनेत्री प्रियंका चोपडाको विवाह सुरु भएको छ । प्रियंका र उनका पति निक जोनसले पनि छिट्टै नै बलिउड कलाकारका लागि रिसेप्सनको आयोजना गर्नेछन् । प्रियंका र निकको विवाह लगत्तै कमेडियन कपिल शर्मा पनि विवाह गर्दैछन् । कपिलले पनि बलिउड कलाकारका लागि रिसेप्सनको आयोजना गर्नेछन् ।

यसरी विवाहमा सहभागी हुन जाँदा बलिउड कलाकारहरुले सगुनको रुपमा खाममा कति पैसा राख्छन् भन्ने कुराको खुलासा अभिनेता अमिताभ बच्चनले गरिदिएका छन् । बचनले उनको चर्चित शो कौन बनेगा करोडपतिको ग्र्याण्ड फिनालेमा यस कुराको खुलासा गरेका हुन् । अमिताभले भनेका छन् ‘बलिउडमा सगुनको खामको एक परम्परा छ । जस अनुसार खाममा १०१ रुपैयाँसम्म राख्ने सीमा तोकिएको छ ।’ साथै बच्चनले भने ‘यो सब एकरुपता ल्याउनका लागि गरिएको हो ।’

हालै दीपिका र रणवीरको विवाहको रिसेप्सनमा अमिताभ बच्चनका साथ दीपिका रणवीर पनि नाचेका थिए भने बच्चन पत्नी जया, बुहारी ऐश्वर्या र छोरी स्वेताले पनि साथ दिएका थिए । अभिनेता अमिताभ बच्चन र दीपिका पादुकोणले फिल्म ‘पिकू’ मा बुवा छोरीको भूमिका निर्वाह गरेका थिए । यो फिल्मले दर्शकको सराहनाका साथै बक्स अफिसमा पनि राम्रो ब्यापार गरेको थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्