अमेरिकामा आगलागी र हिमआँधीका कारण जनजीवन अस्तव्यस्त

पुष २७, २०८१ शनिबार १८:३०:५२ | एजेन्सी

अमेरिकाको पश्चिमी क्षेत्र क्यालिफोर्निया र लस एन्जलसमा इतिहासकै विनाशकारी आगलागी भइरहँदा उत्तर पूर्वी क्षेत्रहरु भने हिमपात र हिमआँधीले प्रभावित भएका छन् । हिमपात र आँधीका कारण हिजो मात्रै तीन हजार वटाभन्दा धेरै हवाई उडान रद्द भएका छन् । हजारौँ उडानमा ढिलाई भएको एएएफपीले जनाएको छ ।

डेल्टा एअरलाइन्सले जाडो मौसमको अवस्था अपेक्षितभन्दा खराब रहेको जनाएको छ । एटलान्टा अन्तर्राष्ट्रिय विमानस्थलका रनवे दुई घण्टासम्म बन्द भएका थिए । डेल्टाले मात्रै हिजो आफ्ना ११ सय वटा उडान रद्द भएको जनाएको छ । अत्यधिक चिसोका कारण कतिपय विमानहरुका इन्जिनमा समस्या देखिएको खबरमा उल्लेख छ ।

यो हप्ताको शुरुमा हिउँदको आँधीले कम्तीमा पाँच जनाको ज्यान गइसकेको छ । केही ठाउँको तापक्रम माइनस १८ डीग्री सेल्सियसभन्दा तल झरेको छ । लाखौँ परिवार बिजुलीविहिन अवस्थामा छन् । अमेरिका अहिले दुई वटा ठूला विपदमा छ । लस एन्जसलमा इतिहासकै खराब आगलागी भइरहेको छ । अहिलेसम्म ११ जनाको ज्यान गइसकेको छ । शहरका हजाराैँ संरचना जलेर नष्ट भइसकेका छन् । सुख्खापन र तीब्रगतिको हावाले गर्दा आगो निभाउन निकै सकस परिरहेको छ । लाखौँ मानिस घर छाडेर भागेका छन् । आगलागीका कारण विषाक्त धुँवा र हावा फैलिएपछि लस एन्जलस काउन्टीमा स्वास्थ्य आपतकालको घोषणा भएको छ ।

अन्तिम अपडेट: पुस २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकामा आगलागी र हिमआँधीका कारण जनजीवन अस्तव्यस्त

तस्बिर : एजेन्सी

तपाईको प्रतिक्रिया