दक्षिण कोरियाका निलम्बित राष्ट्रपति युन सुक येओल पक्राउ

माघ २, २०८१ बुधबार ९:५:१५ | एजेन्सी

दक्षिण कोरियामा निलम्बित राष्ट्रपति युन सुक येओल पक्राउ परेका छन् । स्थानीय समयअनुसार आज बिहान साढे १० बजे उनलाई सोलमा रहेको आफ्नै निवासबाट पक्राउ गरिएको बीबीसीले जनाएको छ ।

यसअघि दक्षिण कोरियाका अनुसन्धानकर्ताहरुको येओललाई पक्राउ गर्ने पहिलो प्रयास विफल भएको थियो । अदालतले पक्राउ पुर्जीको पछिल्लो अवधि बढाएपछि भ्रष्टाचार अनुसन्धान कार्यालयबाट खटिएका अधिकारीले उनलाई आज दोस्रो प्रयासमा पक्राउ गरेका हुन् ।

गएको डिसेम्बरमा सैन्य शासन लागू गर्ने प्रयास गरेसँगै येओलमाथि विद्रोह गरेको आरोपमा अनुसन्धान भइरहेको छ । अनुसन्धानमा उनले सहयोग नगरेको भन्दै उनलाई पक्राउ गर्नु परेको अनुसन्धान अधिकारीहरुले बताएका छन् ।

दक्षिण कोरियामा राष्ट्रपतिलाई पक्राउ गरेको यो पहिलो घटना हो । पक्राउको क्रममा उनको निवास बाहिर समर्थक र आलोचक दुवैको भिड देखिएको खबरमा उल्लेख छ ।

प्रहरीले समेत एक हजार बढी अधिकारीहरू तैनाथ गरेको थियो । येओललाई पदबाट हटाउने वा नहटाउने विषयमा भने उनीविरुद्ध लागेको महाभियोगको प्रस्तावमा हुने छलफलले तय गर्ने कानून व्यवसायीको तर्क छ ।

अन्तिम अपडेट: माघ २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

दक्षिण कोरियाका निलम्बित राष्ट्रपति युन सुक येओल पक्राउ

तस्बिर : एजेन्सी

तपाईको प्रतिक्रिया