चीनमा एप्पलका स्मार्टफोन बिक्रीमा गिरावट, भीभो र हुवावेको बजार हिस्सा बढ्यो

माघ ४, २०८१ शुक्रबार ६:३७:२६ | एजेन्सी

चीनमा अघिल्लो वर्ष सन् २०२४ मा एप्पलले सबैभन्दा बढी बिक्री हुने स्मार्टफोन ब्राण्डको हैसियत गुमाएको छ । एप्पलका लागि उत्कृष्ट बजार रहेको चीनमा गएको वर्षभन्दा यसको बिक्री केही घटेको नयाँ तथ्याङ्कले देखाएको हो ।

अमेरिकामा मुख्यालय रहेको विश्व प्रसिद्ध प्रविधि कम्पनी एप्पलले विश्वको दोस्रो ठूलो अर्थतन्त्र रहेको चीनमा बिक्रीको १५ प्रतिशत बजार हिस्सा लिएको छ । चीनको स्थानीय बजारमा एप्पललाई पछि पार्दै हुवावेले १६ प्रतिशत र भीभोले १७ प्रतिशत बजार हिस्सा ओगटेको तथ्याङ्कमा उल्लेख छ ।

चीनमा कुल स्मार्टफोन बिक्रीमा निकै तल रहेका चिनियाँ ब्राण्ड ओपो र अनरले पनि झण्डै १५ प्रतिशत बिक्रीको हिस्सा लिँदै एप्पललाई चुनौती दिएका चिनियाँ समाचार संस्था सिन्ह्वाले जनाएको छ ।

बजारमा गिरावटको सामना गरिरहेको एप्पलले चीनमा सन् २०२३ मा पाँच करोड १० लाख ८० हजार आइफोन बिक्री गरेकोमा यो सङ्ख्या सन् २०२४ मा चार करोड २० लाख ९० हजारमा सीमित भएको छ ।

स्थानीय उत्पादनहरु शीर्ष स्थानमा रहेको भीभोले कम्पनीको रणनीतिले आफ्नो स्थान बलियो बनाउँदै गएको र हुवावेले घरेलु बजारमा पुनरुत्थान गरेको अध्ययनमा उल्लेख छ । हुवावेले गएको वर्ष कुल स्मार्टफोनको निर्यातमा ३७ प्रतिशतले वृद्धि गरेको छ ।

एप्पलको आईफोन चीनमा अझै पनि लोकप्रिय छ, तर विशाल बजारका कारण धेरै उपभोक्ताहरू घरेलु विकल्पमा आकर्षित भइरहदा बजारको क्षेत्र र प्रतिस्पर्धा तीव्र भएको छ ।

अन्तिम अपडेट: माघ ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

चीनमा एप्पलका स्मार्टफोन बिक्रीमा गिरावट, भीभो र हुवावेको बजार हिस्सा बढ्यो

तस्बिर : एजेन्सी

तपाईको प्रतिक्रिया