डेनमार्कले ग्रीनल्यान्डकाे सुरक्षामा २ अर्ब ५ करोड डलर खर्च गर्ने

माघ १५, २०८१ मंगलबार १५:१४:३ | एजेन्सी

ग्रीनल्यान्डकाे सुरक्षा बलियो बनाउन डेनमार्क र ग्रीनल्यान्डबीच २ अर्ब डलरभन्दा धेरै खर्च गर्ने सम्झौता भएको छ । अमेरिकी राष्ट्रपति डोनाल्ड ट्रम्पले बारम्बार ग्रीनल्यान्ड जसरी पनि अमेरिकाको माताहतमा आउनुपर्ने बताउन थालेपछि डेनमार्कले ग्रीनल्यान्ड र आर्कटिक क्षेत्रको सुरक्षा बढाउने भएको हो । तत्कालका लागि डेनमार्कले ग्रीनल्यान्डको सुरक्षाका लागि २ अर्ब ५ करोड डलर खर्च गर्ने तयारी गरेको बीबीसीले जनाएको छ ।

डेनमार्क र ग्रीनल्यान्डबीच भएको समझदारीअनुसार उन्नत खालका ३ वटा आर्कटिक जहाज, लामो दूरीका मिसाइल खरिद गरेर तैनाथ गरिनेछ । डेनमार्कका रक्षामन्त्री ट्रोल्स लुन्ड पोल्सेनले आर्कटिक र उत्तरी एट्लान्टिकमा सुरक्षा र रक्षाको सम्बन्धमा गम्भीर चुनौतीहरू देखिएकाले आफूहरूको याे कदम आएको बताउनुभएको छ ।

ग्रीनल्यान्ड ५६ हजार बासिन्दाको एउटा टापु हो, धेरै हदसम्म ग्रीनल्यान्ड स्वायत्त रहे पनि डेनमार्कको हिस्साका रूपमा रहेको छ । २१ लाख ६६ हजार वर्गकिलोमिटर ठूलो ग्रीनल्यान्डमा अमेरिकाले लामो समयदेखि सुरक्षा चासो राखेको छ ।

दोस्रो विश्वयुद्धको समयमा नाजी जर्मनीले डेनमार्कको मुख्य भूमि कब्जा गरेपछि अमेरिकाले ग्रीनल्यान्डमा आक्रमण गरेर यस क्षेत्रमा सैन्य र रेडियो स्टेशनहरू स्थापना गरेको छ । त्यस बेलादेखि यस क्षेत्रमा अमेरिकाको पनि उपस्थिति कायम छ ।

ग्रीनल्यान्ड उत्तर अमेरिकाबाट युरोप जोड्ने सबैभन्दा छोटो मार्ग पनि हो । त्यसैले अमेरिकाका लागि ग्रीनल्यान्ड रणनीतिक रूपमा महत्त्वपूर्ण छ । पछिल्ला वर्षहरूमा दुर्लभ खनिज, युरेनियम र फलामको खानीसहित ग्रीनल्यान्डकाे प्राकृतिक स्रोतहरूमा अमेरिकाकाे चासो बढेको छ ।

अमेरिकी राष्ट्रपति ट्रम्पले बारम्बार ग्रीनल्यान्ड खरिद गर्ने बताएपछि डेनमार्क र ग्रीनल्यान्डका नेताहरूले आफ्नो देश किनबेचका लागि कुनै वस्तु नभएकोले यस्ता कुरा नगर्न चेतावनी दिँदै आएका छन् ।

अन्तिम अपडेट: माघ १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

डेनमार्कले ग्रीनल्यान्डकाे सुरक्षामा २ अर्ब ५ करोड डलर खर्च गर्ने

तस्वीर : एजेन्सी

तपाईको प्रतिक्रिया