निर्मलाको लागि न्याय माग गर्दै महेन्द्रनगरमा बृहत् प्रदर्शन

मंसिर २०, २०७५ बिहीबार १६:४८:४० | दुर्गा उपाध्याय

कञ्चनपुर – कञ्चनपुरकी १३ वर्षीय निर्मला पन्तको न्यायको माग गर्दै कञ्चनपुरमा बृहत् प्रदर्शन गरिएको छ ।

नागरिक संघर्ष समितिले घोषणा गरेको चार दिने कार्यक्रम अन्तरगत बिहीबार महेन्द्रनगरमा वृहत् प्रदर्शन गरिएको हो ।
समितिको निर्धारित कार्यक्रम अनुसार बिहीबार मानव साङ्लो बनाएर विरोध प्रदर्शन गरिएको नागरिक संघर्ष समितिका संयोजक मिना भण्डारीले बताउनुभयो ।

उहाँले निर्मलाको न्यायका लागि आफूहरुले सुरुआतदेखि नै आन्दोलन गर्दै आएको बताउँदै सरकारले दोषीलाई जोगाउन निर्दोष व्यक्तिलाई फसाउन नपाउने बताउनुभयो ।

पछिल्लो समय संघर्ष समितिले घोषणा गरेको चार दिने आन्दोलन सरकारलाई दबाबमूलक भएको बताउँदै आन्दोलनका आउँदा कार्यक्रम छलफलपछि निर्धारण हुने उहाँले बताउनु भयो ।

चोक चोकबाट सुरु गरिएको मानव साङ्लोसहितको प्रदर्शन पछि गएर र्‍यालीमा परिणत भएको थियो । प्रदर्शनमा विभिन्न विद्यालय तथा क्याम्पसका शिक्षक विद्यार्थी, अधिकारकर्मी लगायत सर्वसाधारणको उपस्थिति थियो ।

यसअघि, संघर्ष समितिले प्रशासन अगाडि कालो पट्टी बाधेर धर्ना बस्नुका साथै हराएको न्याय खोज्ने भन्दै टर्च बालेर विरोध प्रदर्शन गरेका थिए ।

पीडित परिवारले गएको कार्तिक २५ गतेबाट सुरु गरेको अनिश्चितकालीन धर्नामा ऐक्यवद्धता जनाउदै आएको संघर्ष समितिले नागरिक समाजसँगको छलफल पछि आन्दोलनका आउँदा कार्यक्रम बारे तय गर्ने जनाएको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्