बझाङमा भारी हिमपात : एफएम रेडियो बन्द, जनजीवन कष्टकर

मंसिर २७, २०७५ बिहीबार १४:५६:३४ | डीबी बिष्ट

बझाङ – बझाङमा बुधबार रातिदेखि पानी परेसँगै हिमपातसमेत सुरु भएको छ ।

वर्षासँगै जिल्लाका हिमाली क्षेत्रमाहिमपात सुरु भएको हो । साइपाल गाउँपालिका, सुर्मा गाँउपालिका, छबीसपाथीभेरा गाउँपालिका, र बुंगल नगरपालिकाको माथिल्लो भेगमा हिमपात भएको छ ।

हिमपातका कारण जिल्लामा सञ्चालित सबै एफएम स्टेसनहरु बन्द भएका छन् । बुधबार रातिदेखि वर्षा र हिमपात भएसँगै जिल्लामा सञ्चालित एफएमहरुमा जडान गरिएका सोलारमा चार्ज नहुँदा बन्द भएको रेडियो खप्तड आवाजका अध्यक्ष शैलेन्द्र रोकायाले बताउनुभयो । घाम नलाग्दा जिल्लामा सञ्चालनमा रहेका ५ वटा एफएम स्टेसनमा अवरोध भएको हो ।

यस्तै लगातार परेको हिमपातका कारण जिल्लाका अधिकांश विद्यालयसमेत बन्द भएका छन् । हिमपातका कारण नेपाल टेलिकमको सेवामा समेत समस्या उत्पन्न भएको नेपाल टेलिकम बझाङका कार्यालय प्रमुख बमबहादुर सिंहले बताउनुभयो । घाम नलाग्दा र बुधबार रातिदेखि हिमपातका कारण बाँता र केदारको टावरमा राखिएका सोलार ब्याट्रीहरु चार्ज नभएका कारण नेटवर्क आउने र जाने समस्या भएको उहाँको भनाई छ ।

किसानलाई राहत

लामो समयसम्म वर्षा नहुँदा हिउँदे बाली बिग्रने चिन्तामा परेका यहाँका किसानलाई वर्षाले धेरै राहत पुर्‍याएको छ । ‘गएको वर्षको जस्तै खडेरी पर्छ कि भन्ने चिन्ता लागेका थियो । तर पानी परेकाले खेती सप्रने भयो’, कृषक वीरबहादुर बोहोराले भन्नुभयो ।

वर्षा र हिमपातसँगै जिल्लामा जाडो पनि ह्वातै बढेको छ । हिमाली गाउँहरुमा हिउँ जम्न थालेका कारण दैनिक जनजीवन कष्टकर भएको छ । जाडोले केटाकेटी र वृद्धवृद्धा घरबाहिर निस्कन नसकेको छबीसपाथीभेराका प्रकाश धामीले बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्