आन्दोलनले सुदूरपश्चिम विश्वविद्यालयको पढाई प्रभावितः विद्यार्थीले मागे क्याम्पस प्रमुखको राजीनामा

पुष ४, २०७५ बुधबार १२:८:१९ | दुर्गा उपाध्याय

कञ्चनपुर – सुदूरपश्चिम विश्वविद्यालय केन्द्रीय क्याम्पस महेन्द्रनगरमा कर्मचारी भर्नाका विषयमा असन्तुष्टि जनाउदै विद्यार्थी संगठनहरु आन्दोलित भएपछि पठनपाठन ठप्प भएको छ । क्याम्पस प्रमुख भूपेन्द्र विष्टसहित प्राध्यापक संगठनका कर्मचारीले आपसी भागबण्डाका आधारमा कर्मचारी भर्ना गरेको भन्दै चार विद्यार्थी संगठन आन्दोलित भएका हुन् ।

गएको आइतबारबाट आन्दोलनमा उत्रिएका चार विद्यार्थी संगठन र इन्टिग्रेटी फोरमले बुधबार र्‍याली निकाल्दै क्याम्पस प्रमुखको राजीनामा माग गरेका छन् ।

क्याम्पस प्रमुख भूपेन्द्र विष्टले क्याम्पसलाई आफ्ना सिपाही भर्ती केन्द्र बनाएकाले आफूहरु आन्दोलनमा उत्रिएको इन्टिग्रेटी फोरमका अध्यक्ष चन्द्रदेव बडुले बताउनुभयो । उहाँले क्याम्पस प्रमुखले गरेको उक्त निणर्य खारेज नभए आफूहरु अझै सशक्त तरिकाले आन्दोलनमा जाने बताउनुभयो ।

संयुक्त विद्यार्थी संगठनको तालाबन्दीकाबीच क्याम्पस प्रमुखसहित केही कर्मचारीले अवैधानिक तरिकाले गरेको कर्मचारी भर्ना खारेज हुनु पर्ने अर्का विद्यार्थी नेता गणेश मिश्राले बताउनुभयो । उहाँले निर्णय नसच्याइए आफूहरु सडकमै उत्रिन बाध्य हुने बताउनुभयो । ‘अहिलेसम्म हामी शान्तीपूर्ण तरिकाले आन्दोलनमा उत्रिएका छौँ’, उहाँले भन्नुभयो ‘यो निर्णय खारे नहुने हो र क्याम्पस प्रमुखले राजीनामा नदिने हो भने हामी सडकमै उत्रिन बाध्य हुने छौं ।’

इन्टिग्रेटी फोरमले कर्मचारी नियुक्ती खारेजीको माग गर्दै धर्ना र अनसनको कार्यक्रमलाई निरन्तरता दिएको छ । विद्यार्थीहरुको आन्दोलनका कारण सुदूरपश्चिम विश्वविद्यालयको पढाईसमेत प्रभावित भएको छ । विद्यार्थीहरुले भागबण्डाका आधारमा गरिएको कर्मचारी नियुक्ती खारेजीको मागसमेत गरेका छन् ।

अन्तिम अपडेट: कात्तिक ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्